Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Минең батыр ҡәйнешем
Минең батыр ҡәйнешем Уның тураһында күп тапҡыр яҙғаным булды. Сая рухлы, ҡыйыу егет беҙ Башҡорт дәүләт университетында уҡығанда уҡ үҙен иркен тотошо, яҡты ҡарашы менән тәү күреүҙән үк хәтергә уйылып ҡалғайны. Ул ваҡытта Фәрғәт Чечен Республикаһындағы ҡораллы низағҡа барып эләгер һәм батырҙарса һәләк булыр, ә инде бер-ике йылдан ҡәйнешем буласағын белмәй ҙә инем әле. Бөгөн ҡаһарман егет Фәрғәт Ғәйетҡолов хаҡында әҫәрҙәр ҙә яҙалар. Гөлнур Аҙнабаеваның “Фортуна” хикәйәһе лә уға бағышланғайны.

Минең батыр ҡәйнешемТашкент ҡалаһында тыуып, шунда уҡ спорт мәктәбендә ирекле көрәш менән шөғөлләнгән егеттең әрме сафында ла үҙен таһыллыларҙың береһе итеп күрһәтәсәге көн кеүек асыҡ булған. Тарихсы Зәкирйән Әминев менән әңгәмәлә лә башҡорттарҙың ҡурҡыу белмәҫ, маһир яугир булыуы хаҡында әйткәнен ишеткәс, ирекһеҙҙән Фәрғәт иҫемә төшкәйне. Шулай булмаһа, ул Һамарҙа хәрби күнекмә үткәндән һуң үҙ теләге менән ут эсенә барып керер инеме ни? Ә бит был яуҙа Рәсәйҙең 4103 йәп-йәш егете башын һалды, 1231 кеше хәбәрһеҙ юғалһа, 19 794 һалдат яраланып ҡайтты.
Әҙәм балаһы әллә яҙмышына ни яҙылғанын алдан һиҙенә, әллә Аллаһ Тәғәлә әшкәртеп, күрәсәге хаҡында үҙе лә һиҙмәҫтән һөйләй башлай. Кесе сержант Фәрғәт Ғәйетҡоловтың әрменән килгән хаттарына күҙ һалһаң да, хайран ҡалырлыҡ. Бер нисә генә миҫал килтерәм: “Атай, әсәй, минең өсөн борсолмағыҙ. Һеҙ минең менән ғорурланасаҡһығыҙ әле. Мин бит Салауат Юлаев тоҡомонан!” йәки “Әгәр иҫән-һау ҡайтып етһәм, һеҙгә бер ауырлыҡ төшөрмә­йәсәкмен. Ҡулыма автоматты алып, онталғансы ваҡлар инем. Донъяла иң аяуһыҙы – һуғыш. Өйөбөҙҙө ҡулымдан килгән тиклем матурлап йыһазлар, музей кеүек итер инем...”
“Ысынлап та, бөгөн ата-әсәһе генә түгел, Фәрғәтте күргән, белгән, бөтөнләй белмәгән кешеләр ҙә батырлығы хаҡында ишетеп, сикһеҙ ғорурлана. Улдары батырҙарса һәләк булған ата-әсәләргә бөгөн һәр төрлө ярҙам күрһәтелә. Ә бит ҡан ҡойошло һуғыш мәлендә ул үҙ ғүмерен һаҡлап ҡала алған. Бергә хеҙмәт иткән, яуға ингән дуҫтары ла күрешкәндә был хаҡта телгә алғаны бар. Хәйер, уларҙан да әллә ни күп нәмә ишетермен тимә, ут эсенән сыҡҡандар һүҙгә һаран булыусан шул. Ҡасандыр Ғәйетҡоловтар ғаиләһенә Ташкенттан ҡайтып, аяҡҡа баҫып китеүе еңел булмағандыр, әммә бөгөн йорттары, ысынлап та, музейҙы хәтерләтә. Фәрғәттең исеме менән бәйле һәр нәмә ҡәҙерле экспонат кеүек һаҡлана был өйҙә.
Ә яңыраҡ йортта тағы ла бер ваҡиға булып үтте. Майҙың сыуаҡ, матур көнөндә, әйтерһең, Фәрғәт үҙе ҡайтып төшкәндәй булды. Борсолорға урын юҡ, йылмайығыҙ, мин һеҙҙең менән, тип әйтә кеүек ине был мәлдә егет.
Тантаналы митингты асып, сараға йыйылған халыҡты сәләмләп, Өфө районының Таптыҡ ауыл биләмәһе хакимиәте рәйесе Тимур Кәримов тулҡынланып сығыш яһаны. “Чечен Республикаһындағы ҡораллы низағта ҡатнашҡан һәр егет бөгөн дә төшөндә яуға күтәреләлер, әммә һәләк булғандарын беҙ әленән-әле иҫкә алып, яҡын кешеләренә ярҙам итергә бурыслыбыҙ!” – тине ул. Өфө районы хакимиәтенең эштәр идарасыһы Рафаэль Манкеев та, уның һүҙҙәренә ҡушылып, үҙ сиратында Бөтә Рәсәй ветерандарының “Боевое братство” йәмәғәт ойошмаһына Фәрғәт Ғәйетҡолов йәшәгән йортта иҫтәлекле таҡтаташ асыуға булышлыҡ иткәндәре өсөн оло рәхмәтен белдерҙе. Ә инде ойошманың Өфө районындағы бүлексәһе рәйесе Олег Глазков һөйләгәндә, күҙҙән йәш эркелде:
– Тыуған илен бөтә йөрәге менән яратҡан ҡаһарман егет Фәрғәт Ғәйетҡоловтың ата-әсәһе алдында баш эйәбеҙ. Беҙҙең ойошма үҙ эшен әүҙемләштереп ебәрер. Бынан һуң һеҙ бер нәмәгә лә мохтажлыҡ кисерергә тейеш түгелһегеҙ, бер кеше лә һеҙгә ауыр һүҙ әйтмәҫ. “Боевое братство” һәләк булған улығыҙ исеменән һеҙҙе ҡурсаларға әҙер! – тип тамамланы ул һүҙен.
Элекке хәрби Хәтиб Богданов Фәрғәт Тәлғәт улының исеме менән бәйле сараға тағы ла бер яугирҙе саҡырған. Ул – Афғанстанда һуғышта ҡатнашҡан Александр Мельников.
– Беҙҙең арала геройҙар күп, уларҙы танып белеп кенә бөтмәйбеҙ. Бына Александр Мельниковты “Хәрби ҡаҙаныштар өсөн” миҙалы бөгөн эҙләп тапты. Ғәйетҡоловтар өсөн тантаналы был көндә Фәрғәттең атаһы Тәлғәт ағай Александрға ошо награданы таҡһа, һеҙ, моғайын, ҡаршы булмаҫһығыҙ? – тине ул, сарала ҡатнашыусыларға мөрәжәғәт итеп. Барыһы ла был һүҙҙәрҙе алҡыштарға күмде.
Әрме сафына алынғансы Фәрғәт Ғәйетҡолов “Автомобилист” агрофирмаһында эшләп киткән. Хеҙмәттәше Миңлегөл Ирғәлина егеттең уңғанлығы, тырышлығы хаҡында һөйләп үтте.
Артабан һүҙ батыр егеттең туғандарына бирелде. Әминә менән Тәлғәт Ғәйетҡоловтар сарала ҡатнашҡан һәр кемгә рәхмәтен еткерҙе. Бер туған апаһы Резеда үҙен ҡустыһы ҡайтҡандай хис итеүен йәшермәне. Ағаһы Муса Фәрғәт йөҙөндә туғанын ғына түгел, ә яҡын дуҫын юғалтыуын да әйтте. Көйөргәҙе районының Таймаҫ ауылынан килгән 86 йәшлек Мөслимә өләсәһе лә батыр ейәне хөрмәтенә йорттарында хәтер ташы асыуға бик шат булыуын белдерҙе.
Ә иҫтәлекле таҡтаташтан беҙгә тереләрҙән терерәк булып 21617 506-сы хәрби часының кесе сержанты, бүлексә командиры, разведчик, снайпер, “Батырлыҡ” ордены кавалеры Фәрғәт Ғәйетҡолов баға. 1996 йыл, 14 август. Грозный ҡалаһы... “Мин бит Салауат Юлаев тоҡомонан!” тип әйтә кеүек ине боронғо замандағыса бөгөн дә яу ҡырында батырлыҡҡа урын тапҡан башҡорт егете.





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 2 367

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 954

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 2 396

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 2 581

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 2 192

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 2 376

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 983

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 2 468

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 147

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 065

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 1 242

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 049