Күптән түгел республикала “Газ өсөн түлә лә бүләк от” акцияһы үтте. “Газпром межрегионгаз Өфө” яуаплылығы сикләнгән йәмғиәте ойошторған сараның шарттары бер үк ваҡытта ябай ҙа, ҡатмарлы ла. Еңеүгә дәғүә итеүселәр иҫәбенә инеү өсөн газға түләүҙә бурысың булмауы мотлаҡ.

– Бындай акция ярҙа­мын­да “зәңгәр яғыулыҡ” өсөн тү­ләү тураһындағы килешеү­ҙәрҙең ваҡытында үтәлеүен тәьмин итергә теләнек, – ти йәмғиәттең генераль директоры Альберт Әхмәтшин. – Сараға бөтә республика хал­ҡын йәлеп иттек. Төбәк бү­лек­сәләрендә еңеүсе­ләрҙең исемдәре асыҡланды.
Әйткәндәй, иң-иңдәрҙе билдәләү еңелдән булманы. Конкурс барышында 48 кеше һайлап алынды. Бүләкләү тантаналары йәмғиәттең Бәләбәй, Белорет, Бөрө, Дүртөйлө, Ишембай, Кү­мертау, Мәләүез, Нефтекама, Октябрьский, Салауат, Сибай, Стәр­ле­тамаҡ, Туймазы, Өфө ҡалаларындағы һәм Мәсәғүт ауылындағы офис­тарында уҙғарылды. Бүләкте күптәргә өйөнә үк алып барып тапшырҙылар.
– Тиҙҙән компаниябыҙ та­ғы ла ошондай уҡ конкурс үт­кәрергә ниәтләй. “Зәңгәр яғыулыҡ” өсөн ваҡытында түләгәндәргә рәхмәтлебеҙ. Йорттарында һәр саҡ йылы һәм йәмле булһын, – тине “Газпром межрегионгаз Өфө”нөң генераль директор урынбаҫары Рәмил Яфаев. – Акция башҡаларға ла ҡулланылған газ хаҡын тотҡарламаҫҡа, ваҡытында иҫәпләшергә этәргес бирер тигән ышаныстабыҙ.
Сарала еңеүселәр ара­һын­да Өфө районының Чернолес ауылынан Камил Камалетдинов та бар. Компа­нияның офисында уға видео­теркәгес тапшырылды.
– Дөрөҫөн генә әйткәндә, йәмғиәттән шылтыратып еңеү­селәр иҫәбендә булыуым хаҡында белдергәстәр башта ышанмайыраҡ тор­ҙом, – ти ул. – Бүләк алғас, шат­лығымдың сиге булманы.
Камил Камалетдинов, үҙе әйтеүенсә, ғүмер буйы газ ме­нән йылытылған шәхси йорт­та йәшәгән. Яғыулыҡ ха­ҡын һәр саҡ намыҫлы түләп бара.
– Файҙаланған газ өсөн ай һайын иҫәпләшәм, сөнки кисектерһәң йыйылып китә лә, күберәк түләргә тура ки­ләсәк. Бының ғаилә “кеҫә­һенә” һуҡҡаны шунда уҡ беленә, – ти булдыҡлы хужа.
Быйыл 1 ғинуарға ҡарата “Газпром межрегионгаз Өфө” яуаплылығы сикләнгән йәм­ғиәтендә 1,3 миллион абонент хеҙмәтләндерелгән, үт­кән йыл дауамында уларға 1,7 миллиард кубометр газ бү­ленгән. Файҙа­ланыу­сы­лар­ҙың 99 проценты “зәңгәр яғыу­лыҡ” өсөн ваҡытында түләй.
Компания хеҙмәткәрҙәре йорттарҙа инвентаризацияны даими ойоштора. Бындай саралар һөҙөмтәһендә ғә­мәл­­дән сыҡҡан газ при­бор­ҙары, яғыулыҡты рөхсәтһеҙ фай­ҙаланыу осраҡтары асыҡ­лана, етешһеҙлектәр тө­ҙә­телә, тәртип бо­ҙоу­сыларға штраф һалына.

Реклама.