Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Халыҡ белеп борсоламы, әллә…
Риүәйәт һәм легендаларҙа, ҡобайыр һәм йырҙарҙа данланған хозур тәбиғәтебеҙҙең байлыҡтары, халыҡ мәнфәғәтенә хеҙмәт итергә тейешле шифалы һыуҙары, күп көс түгеп һалынған сәләмәтлек үҙәктәре, шифаханалары һатылып, шәхси ҡулдарға күсеп, юҡҡа сығарылмаҫмы?
Ошондай шөбһәле хәбәрҙең ысынмы-бушмы икәнлеген белергә, халыҡ­ты аптырауға һалған имеш-мимеште асыҡларға тип, ҡорҙаштары, дуҫ-иштәре исеменән депутатҡа кәңәшкә килгән 80 йәшлек хеҙмәт ветеранының борсолоуын аңларға була. “Республи­кабыҙҙың төньяҡ-көнсығыш райондарында йыш булдым. Ошо төбәктәге ике шифаханала рәхәтләнеп ял итеп, көс йыйып ҡайтҡаным бар. Директор­ҙарына ла рәхмәтлемен, эште хужаларса ойоштороу һәләтенә эйәләр. Яҡшы етәкселәрҙең ҡәҙерен белергә кәрәк. Ошо ерҙә тыуып үҫкән, халыҡ­тың хөрмәтен яулаған кешеләргә ышаныс та көслө. Замандаштарымдың үтенесен һеҙгә лә еткергем килә: сит-яҡ төбәктәрҙән осраҡлы кешеләрҙе яуаплы вазифаларға тәғәйенләгәнсе, үҙебеҙҙең шәхестәрҙе үҫтерәйек, ышаныс күрһәтәйек”, — ти хеҙмәт ветераны Фә­ниә Әсәҙуллина. Әммә уны хәүеф­ләндергән мәсьәлә тағы ла етдиерәк. “Шифаханаларҙы үҙгәртеп ҡорорға йыйыналар, мөлкәттәрен иҫәпкә алалар тигән хәбәр йөрөй. Әллә ҡалын ке­ҫәле йылғырҙар уларҙы ҡулға төшө­рөргә йыйынамы?” — тип аптырай ул.
Хәйер, аптырайһы түгел. Элегерәк тә республикала шифаханаларҙы хосусилаштырып, ҡулға төшөрөргә маташыусылар булғыланы. Күпмегә баһаларҙар икән был юлы һауыҡтырыу учреждениеларын? Ни өсөн рәсми сайттарында был хаҡта бер һүҙ ҙә юҡ? Ни өсөн дәүләт унитар предприятиеларын үҙгәртеп ҡороу кәрәк булды? Ошондай форматта ла уның эшен яҡшыртып, хеҙмәттәрен һәр кем файҙаланырлыҡ итеп булмаймы ни? Акционерлаштырыуҙан йә иһә яуап­лылығы сикләнгән йәмғиәткә әүерел­дереүҙән кем ота?
Бына шундай һорауҙар менән килгән Фәниә Ҡазыхан ҡыҙы Рәсәйҙең Дәүләт Думаһы депутаты Сәлиә Мырҙабаеваға. Беҙ парламентарийҙан ошо хаҡта аңлатма биреүен үтендек.
— Ғөмүмән, шифахана-курорт системаһы эшмәкәрлегенә ҡағылған мөрәжәғәттәр аҙ түгел. Фәниә Ҡазыхан ҡыҙын халыҡты һауыҡтырыу һәм медицина реабилитацияһы система­һының төп ресурсы булған шифаханалар яҙмышы борсоуға һалыуы аңлашыла. Ысынлап та, беҙҙә оҙаҡ йылдар был тармаҡты үҫтереүгә ғәйәт ҙур сығым түгелде. Шуныһы үтә мөһим: улар үҙҙәренең тәьҫирлелеген раҫ­ланы. Һуңғы осорҙа матбуғат баҫмаларында шифаханаларҙан һәм реабилитация ярҙамынан файҙаланыу мөмкинлегенең сикләнеүе, ауырыуҙар­ҙың йыш ҡына тейешле ярҙамды ала алмауы хаҡында мәҡәләләр донъя күреүе лә халыҡта ҡәнәғәтһеҙлек тыуҙырҙы.
“Янғантау”, “Яҡтыкүл”, “Красноусол”, “Ҡарағай”, “Талҡаҫ” дәүләт унитар предприятиелары республиканың иҡтисади хәүефһеҙлеген тәьмин иткән стратегик әһәмиәтле, халыҡтың сәлә­мәтлеген, хоҡуҡтарын һәм законлы мәнфәғәттәрен яҡлаған учреждениелар рәтендә тора. Шуға күрә улар тулыһынса хосусилаштырылырға тейеш түгел. Ошо хаҡта төплөрәк аңлатма, дәүләт унитар предприятиеларын үҙгәртеп ҡороу буйынса саралар планын тормошҡа ашырыу барышы тураһында мәғлүмәт биреүҙе һорап, Башҡортостандың ер һәм мөлкәт мөнәсәбәттәре министрына, республика прокурорына хат ебәрелде. Яуап­лы етәкселәр был мәсьәләне етди өйрәнеп, шифаханаларҙы үҙгәртеп ҡороу буйынса сараларға үҙҙәренең баһаһын бирер, халыҡта ҙур ҡәнәғәт­һеҙлек тыуҙырған төрлө имеш-мимешкә нөктә ҡуйыр, тип ышанғы килә, — тине Сәлиә Шәрифйән ҡыҙы.





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840