Ауыл хужалығы хеҙмәтсәндәре һөнәри байрамын ниндәй кәйеф һәм уңыштар менән ҡаршылай? Ғәҙәттә, атҡарылған эштәрҙең һөҙөмтәһе барлана, алдағы көндәр күҙаллана. Шөкөр, урып йыйыу эштәре тамамланып, иген бураларға һалынды, мал-тыуар ҙа йылы ҡураларға индерелде. Тимәк, өлгәшкән уңыштар хаҡында һүҙ алып барырға мөмкин. Шул маҡсатта Краснокама районы хакимиәтенең ауыл хужалығы бүлеге начальнигы Динис БИКОВҠА мөрәжәғәт иттек.


— Динис Хәмис улы, һүҙҙе быйылғы урып йы­йыу эш­тәренән башла­йыҡ әле. Ра­йон ху­­жа­лыҡ- ­тары был мө­­һим кампанияны нисек атҡар­ҙы, һынатманымы?
— Белеүегеҙсә, игенсе­нең кәйефе һауа торошона ла бәйле. Үҫтерелгән уңыш­ты йыйып алыу мә­лен­дә ямғыр ныҡ ҡамасау­ланы. Ярай әле, һуңғараҡ көндәр аяҙытты. Һө­ҙөм­тәлә иген культураларынан ярайһы уҡ яҡшы уңыш йыйып алынды. Мәҫәлән, 25 мең гектар са­маһы майҙандан 45,5 мең тонна ашлыҡ һуғылды. Гектар ҡеүәте уртаса 18,3 центнер тәшкил итте.
Форсаттан файҙаланып, юға­ры уңы­шы менән һө­йөндөргән “Заря” хужалығын (гектарынан 23 центнер), “Агро-Мен” йәмғиәтен (гектар ҡеүәте — 22 центнер) телгә алып үтке килә. Был хужалыҡтарҙың ҡайһы бер ба­ҫыу­ҙарында уртаса күрһәткестән күберәк тә урып һуғылды.
Шулай уҡ быйыл “Нур”, “Восход”, “Раздолье”, “Кама” хужа­лыҡтары айырылып торҙо. Ғөмүмән, орлоҡ өсөн дә, мал аҙығына ла етерлек иген үҫтереп ҡыуандырҙылар.
— Әле һеҙ әйтеп үткән һандар артында иң элек хужалыҡтарҙың хеҙмәте тора. Мәҫәлән, механи­заторҙарҙы ғына алайыҡ. Моғайын, урып йыйыу барышында, ужым сәскәндә араларында өлгө алырҙайҙары ла булғандыр?
— Әлбиттә. Районыбыҙ меха­ни­за­тор­­ҙары көҙгө ҡыҙыу осорҙа ныҡыш­мал да, түҙемле лә бу­лыуҙарын йәнә раҫланы. Уларға һауа торошоноң “графигына” ҡу­лайлашырға тура килә. Бөтөнөһө 40 берәмек комбайн иңләне баҫыуҙарҙы. Улар, һис һүҙһеҙ, үҙ эше­нең оҫталары ҡулында булды. Мәҫә­лән, “Заря” хужалы­ғынан Юрий Юк­чубаев 17 600 центнер ашлыҡ һуҡты. Виктор Ғәзизов унан саҡ ҡына ҡалышты: иҫәбендә — 17 400 центнер. “Раз­долье” хужалығынан йәш комбайнсы Илмир Нурлыев 12 мең центнерҙан ашыу игенде бураларға һалды.
Ер кешеһенең мәшәҡәте бөтәме ни?! Механизаторҙар киләһе йыл уңышы хаҡында ла хәстәрлек күрҙе — ҡышҡы культуралар 12 мең гектар майҙанда сәселде. “Мир” ху­жа­лы­ғы­нан Эрик Ильясов мең гек­тар­ҙы иңләп сыҡһа, “Надежда”нан Станислав Ат­на­шев һәм “Колос”тан Владимир Сәй­фуллин унан аҙ ғына ҡалышты. Ә ер эш­кәртеү буйынса ал­дын­ғы­лар иҫә­бендә — Ми­хаил Михайлов (“Заря”­­нан), Аль­берт Әх­мәҙишин (“Раз­долье”­нан).
— Ҡыш ишек ҡаға. Ху­жалыҡтар был миҙ­гелгә нисек әҙерләнде? Бил­дә­ләнгән пландарын үтәй алдылармы?
— Һүҙ юҡ, был йүнә­леш­кә лә етди ҡара­нылар. Мал аҙығы мул тупланды, йыл ярымға етерлек. Быға ошо күрһәткес буйынса республикала алдынғы урын билә­үебеҙ ҙә дәлил.
— Тимәк, хужалыҡ­тар мал-тыуарҙы имен-аман ҡыш­латасаҡ. Әле төп мә­шәҡәттәре нин­дәй?
– Әйтеүемсә, һәр ­ҡай­­һы­һы был осорҙоң мө­һим­­леген аңлап эш итте. Аҙыҡ мул, фермалар төҙөк­лән­дерелде. Әле малсы­ларыбыҙ алдында һөт етеш­тереү күләмен кәмет­мәү бурысы тора.
— Краснокама мал­сы­­лары һөнәри бай­рам­­дарын ниндәй күр­­­һәт­­- кес­­­тәр менән ҡаршы­лай?
— Һөҙөмтәләр һөйөн­дөрә. Быйылғы туғыҙ айҙа 1 миллиард 58 миллион һумлыҡ ауыл хужалығы продукцияһы етештерелде. Шуныһы ҡыуа­ныслы: был былтырғы кимәлдән 27 про­центҡа күберәк. Һөт һауып алыу иһә 20 процентҡа артты. Мал һаны былтырғы кимәлдә һаҡлан­ды. Әле һанап үтелгән ыңғай күр­һәт­кестәргә барлыҡ мал­сы­лар- ­ҙың фи­ҙа­кәр хеҙмәте менән өлгәшелде. Бигерәк тә “Племзавод-Алға”, “Восход”, “Агрофирма-Маяҡ” һәм “Колос” хужалыҡ­та- рының берҙәм коллективтарын билдәләге килә.
Ғөмүмән, бәрәкәтле Краснокама ерендә йәшәгән һәм төбәктең йылъяҙ­маһына сағыу бит­тәр өҫтәгән барлыҡ хеҙмәт­сәндәргә лә еңел булмаған эштәрендә уңыштар насип бул­һын.

.