ҠУҘЫ (21.03 – 20.04)
Ҡуйған маҡсатығыҙға өлгәшеү юлдарын табырһығыҙ. Башығыҙға яңынан-яңы идеялар килер. Осор тормошоғоҙға үҙгәреш индерерлек осрашыуҙарға, романтик танышыуҙарға бай булмаҡсы. Ләкин һауалағы торнаға ҡыҙығып ҡулығыҙҙағы турғайҙы ысҡындырып ҡуймағыҙ.

БУҒА (21.04 – 21.05)
Ярайһы уҡ ҡатмарлы аҙна. Барлыҡ эште бер юлы башҡарыу, шул уҡ ваҡытта ял итеп алыу теләге тыуыр. Ләкин көн­дәлек мәшәҡәттәрҙе йырып сығыуығыҙ икеле. Уның ҡарауы, осор аҙағында матди хәлегеҙҙең яҡшырыуы көтөлә.

ИГЕҘӘКТӘР (22.05 – 21.06)
Тормошоғоҙҙа яңы осор башлана. Хәлегеҙ һәр йәһәттән яҡшырыр кеүек. Туғандарығыҙ менән мөнәсәбәттәрҙе яйға һалыуҙы хәстәрләгеҙ. Аҡса кереме лә булмаҡсы. Тик көс-ҡеүәтегеҙҙе дөрөҫ файҙаланырға кәңәш ителә.

ҠЫҪАЛА (22.06 – 23.07)
Был аҙнала бәхет һеҙгә мотлаҡ йылмайыр, сөнки барлыҡ һынауҙарҙы уңышлы үттегеҙ. Тик аҡса, власть артынан ҡыуып, күңел тыныслығы хаҡында онотмаһағыҙ ине. Эске һиҙемләүегеҙгә ҡолаҡ һалығыҙ.

АРЫҪЛАН (24.07 – 23.08)
Тырыш хеҙмәтегеҙҙең, барыһына ҡар­шы көрәшеүегеҙҙең һөҙөмтә бирмәүенә инанғас, бер аҙ баҙап ҡалырһығыҙ, моғайын. Шуға күрә был аҙнала, алға сабыуҙан туҡтап, күңел кисерештәрен тәртипкә килтерергә тырышығыҙ, мөһим эштәрҙе кисектереп тороғоҙ.
ҠЫҘ (24.08 – 23.09)
Мәшәҡәттәрегеҙ бик күп, өлгөрә алмай яфаланырһығыҙ. Тик ашығыу, бер сиктән икенсеһенә бәрелеп-һуғылыу файҙаға булмаҫ, хәлегеҙ ҡатмарлашыуы бар. Аныҡ йүнәлештәрҙе билдәләп, эште тап шуларҙан башларға кәңәш ителә.

ҮЛСӘҮ (24.09 – 23.10)
Матди йәһәттән ҡыйынлыҡ тыуғандай тойолор. Тик ҡайғырмағыҙ: тиҙҙән бары­һы ла көйләнер, тормошоғоҙҙа яңы офоҡ­тар асылыр. Көтмәгән ерҙән ярҙам килер. Дуҫтарығыҙҙың кәңәшенә ҡолаҡ һалығыҙ.

САЯН (24.10 –22.11)
Йыш ҡына уйламайынса эш итәһегеҙ. Дошманлашмайым тиһәгеҙ, һирәк булһа ла башҡаларҙың мәнфәғәтен иҫәпкә алығыҙ, ярҙам ҡулы һуҙығыҙ. Әле яҡын­дарығыҙ һеҙҙең хәстәрлеккә бик мохтаж.

УҠСЫ (23.11 – 21.12)
Осор ял итеү өсөн ҡулай булмаҡсы. Мөһим эштәрҙе лә, көндәлек мәшә­ҡәттәрҙе лә мөмкин тиклем кисектереп тороғоҙ. Сәләмәтлегегеҙгә лә иғтибар бирегеҙ: эске көсөргәнеш һөҙөмтәһендә сирләүегеҙ бар.

ЫЛАҠ (22.12 – 20.01)
Ғүмерлек юлдашығыҙҙы осратыуығыҙ ихтимал. Эске һиҙемләүегеҙгә ҡолаҡ һа­лығыҙ. Һәләкәтле ғәмәлдәрҙән, тормошҡа ашмаҫтай хыял-маҡсаттарҙан баш тартығыҙ – был яҡшыға илтмәҫ, үҙегеҙгә генә зыян килеүе ихтимал.

ҺЫУҒОЯР (21.01 – 19.02)
Аҙна башында юҡ-барға күңел тө­шөн­көлөгөнә бирелерһегеҙ. Ҡыйын саҡтарҙа ғаиләгеҙгә таянығыҙ. Осор уртаһында хәлегеҙ яйланыр. Йорт мәшәҡәттәре күңелһеҙлектән ҡотолорға ярҙам итер.

БАЛЫҠ (20.02 – 20.03)
Бөтөнләй файҙаһыҙ эштәр менән шө­ғөлләнерһегеҙ, моғайын. Шуға күрә ҡуй­ған маҡсатығыҙға ла өлгәшмәҫһегеҙ, көс-ҡеүәтегеҙҙе лә бушҡа сарыф итерһегеҙ. Дөрөҫ йүнәлеш алыу өсөн йә­шәү рәүешен, теләктәрегеҙҙе үҙгәртергә кәңәш бирәбеҙ.