Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Киләсәгебеҙ – уҡытыусылар ҡулында”
“Киләсәгебеҙ – уҡытыусылар ҡулында” Был һүҙҙәр көнүҙәклеген юғалтмай
Йылдағыса, яңы уҡыу йылы алдынан республиканың педагогик йәмәғәтселеге ҡорға йыйылды. Алдан хәбәр итеүебеҙсә, мөһим сараны быйыл Нефтекама ҡабул итте. Кәңәшмәлә Башҡортостан Башлығы Рөстәм Хәмитов, Дәүләт Йыйылышы – Ҡоролтай Рәйесе Константин Толкачев, министрлыҡ һәм ведомстволар етәкселәре, ҡала-район хакимиәттәре башлыҡтары, мәғариф тармағы вәкилдәре һәм башҡалар ҡатнашты.

Улар көндөң тәүге яртыһында республиканың алдынғы белем биреү учреждениеларының эшмәкәрлегенә арналған күргәҙмәне ҡараны, яңы ғилми-методик әҙәбиәт менән танышты, биш майҙансыҡта уҡытыуҙың төрлө йүнәлешенә бәйле көнүҙәк мәсьәләләрҙе тикшерҙе. Пленар ултырышта иһә башҡарылған эштәргә йомғаҡ яһалды, яңы уҡыу йылына бурыстар билдәләнде.
“Киләсәгебеҙ – уҡытыусылар ҡулында”“Берҙәм асыҡ белем биреү даирәһе” исеме аҫтында уҙған ҡор мәғарифтың барлыҡ мәсьәләләрен үҙ эсенә алды. Мәҫәлән, “Уҡытыуҙың асыҡлығын һәм сифатын тәьмин итеү: шарттар, өҫтөнлөктәр һәм бурыстар” тигән темаға һөйләшеү Нефтекаманың 1-се лицейында ойошторолдо. Заманса мәғариф учреждениеһы киләһе йылда 25 йыллығын билдәләй. Ошо ваҡыт эсендә ул ҙур конкурстарҙа еңеү яулап, республикала киң танылыу алды. Мәҫәлән, Рәсәй һәм Башҡортостан кимәлендә уҙғарылған “Электрон мәктәп” I мәғариф форумында тәүге урындарҙы алды, былтыр илдең “Иң яҡшы 100 лицейы” исемлегенә инде. Уҡыу йортонда ғилем туплағандарҙың барыһы ла белем алыуын юғары уҡыу йорттарында дауам итә. Лицей коллективы ҡунаҡтарҙы үҙҙәрендәге заманса эшмәкәрлек алымдары, электрон дәреслектәр ҡулланыу, һәләтле балалар менән махсус шөғөлләнеү ысулдары һәм башҡалар менән таныштырҙы, проекттарын күрһәтте. Улар йыйған роботтар, һөйләшеү барышында яһаған тәжрибәләр, виртуаль сәйәхәт һәр кемдә ҙур ҡыҙыҡһыныу уятты.
“Киләсәгебеҙ – уҡытыусылар ҡулында”Башҡа майҙансыҡтарҙағы фекер алышыуҙар ҙа ошоға оҡшаш форматта үтте. Әйтәйек, ҡаланың 1-се гимназияһында “Мәктәп – белемде тәрәнәйтеү, балаларға хоҡуҡи һәм патриотик тәрбиә биреү, мөмкинлектәрен бойомға ашырыу урыны” тигән темаға һөйләшеү ойошторолдо. Был уҡыу йорто ла бай тәжрибәгә эйә, ҡаҙаныштары өлгө алырлыҡ. Унда һәләтле балалар менән эшләү үҙәге бар, шулай уҡ “Һөнәргә юл” тигән ҡала проекты уңышлы тормошҡа ашырыла. Ҡунаҡтар бында интерактив кабинет менән ҡыҙыҡһынып танышты, уҡыусыларҙың ҡалалағы һыу ятҡылығында биологик тикшеренеүҙәр үткәреүен онлайн режимында күҙәтте.
Башҡорт гимназияһында эшләгән өсөнсө проект майҙансығында иһә “Берҙәм белем биреү даирәһен һаҡлау – республикала сифатлы белем алыу нигеҙе” тигән теманы ҡала һәм район хакимиәттәренең мәғариф идаралыҡтары етәкселәре, мәктәп-интернат директорҙары бергәләп тикшерҙе. Улар шулай уҡ электрон дәреслектәр ҡулланыу, туған телде уҡытыу, шәжәрәләр төҙөү тәжрибәһе менән яҡындан танышты. Гимназия коллективы һәм уҡыусылары үҙҙәренең төрлө йүнәлештәге тикшеренеү эштәре хаҡында һөйләне, мәктәп театрында шөғөлләнгәндәрҙең ижад өлгөләрен күрһәтте.
Нефтекама машиналар эшләү колледжында ойошторолған дүртенсе майҙансыҡта республиканың махсус урта һәм юғары уҡыу йорттары етәкселәре һөнәри белем биреү мәсьәләләре буйынса көнүҙәк проблемаларҙы тикшерҙе. Ә ҡаланың махсус (коррекцион) мәктәп-интернатында һаулыҡ мөмкинлектәре сикле балаларҙы уҡытыу даирәһен камиллаштырыу мәсьәләләре өйрәнелде. Был учреждение туплаған бай тәжрибә ентекле фекер алышыу өсөн ныҡлы нигеҙ булды. 1985 йылда асылған мәктәптә 56 педагог физик һәм психик кәмселеге булған 196 балаға белем бирә. Төп бурыстары – тәрбиәләнеүселәрҙе тормошҡа яраҡлаштырыу, хеҙмәткә күнектереү. V – IX класс уҡыусылары баҡса ҡарау, сәскә үҫтереүҙән башлап, штукатур-маляр, аяҡ кейеме йүнәтеүсе, тегенсе, парикмахер һөнәрҙәрен үҙләштерә, ағастан һырлау серҙәренә өйрәнә. Республика Башлығы Рөстәм Хәмитов та, был мәктәп-интернат менән яҡындан танышып, кәңәшмәнең пленар ултырышында уның тәжрибәһен ыңғай баһаланы. Рөстәм Зәки улы сығышында шулай уҡ республиканың мәғариф өлкәһендә башҡарылған башҡа эштәргә байҡау яһаны, тармаҡтағы көнүҙәк проблемаларҙы билдәләне. Артабан Башҡортостан Башлығы республика конкурстарында еңеү яулаған һәм финалға сыҡҡан уҡытыусыларҙы бүләкләне.
Мәғариф министры Әлфис Ғаязов иһә яңы уҡыу йылына әҙерлек мәсьәләләренә туҡталды, хәл ителергә тейешле бурыстарҙы билдәләне.
– Кәңәшмә йәнле, файҙалы булды, – тине ул сара һуңында. – Был йәһәттән Нефтекама ҡалаһы хакимиәте етәкселегенә, сараны әҙерләүҙә һәм үткәреүҙә ҡатнашҡандарҙың барыһына ла ҙур рәхмәт белдерәм. Тәжрибә уртаҡлашыу менән бер рәттән, башҡарылғандарға йомғаҡ яһаныҡ, яңы маҡсаттар билдәләнек. Хәҙер ең һыҙғанып эшләргә ҡала.




Владислав КИЛДЕЙӘРОВ, Салауат районы хакимиәте башлығы урынбаҫары:
– Кәңәшмәлә күтәрелгән мәсьәләләрҙең барыһы ла көнүҙәк булды. Республика Башлығы билдәләгән бурыстар тәү сиратта мәғариф хеҙмәткәрҙәренә ҡағылһа ла, уларҙы бергәләп тормошҡа ашырырға тейешбеҙ. Киләсәк быуындың яҙмышы өсөн барыбыҙ ҙа яуаплы.

Юлай СИРАЖЕТДИНОВ, Хәйбулла районы хакимиәтенең мәғариф идаралығы етәксеһе:
– Нефтекамалағы уҡыу йорттарының ҡаҙа­ныштары хаҡында күптән хәбәрҙар инек. Уларҙың эшмәкәрлеге менән яҡындан танышыу бик файҙалы булды. Әлбиттә, ҡала һәм ауыл мәктәптәрен туранан-тура сағыштырып булмай, шулай ҙа үҙебеҙ өсөн күп яңылыҡ алдыҡ, уларҙы эшебеҙҙә мотлаҡ ҡулланасаҡбыҙ.

Лилиә ШӘЙХЕТДИНОВА, Октябрьский коммуналь-төҙөлөш колледжының директор урын­баҫары:
– Һөнәрҙәштәр менән көндәлек эшмәкәрлектең мөһим мәсьәләләрен уртаға һалып һөйләшеү, тәж­рибә уртаҡлашыу, әлбиттә, бик файҙалы булды. Кәңәшмә беҙгә яңылыҡтар менән танышырға мөм­кинлек бирҙе. Эшеңде башҡаларҙыҡы менән сағыш­тырып өйрәнеү, әлбиттә, бөгөнгө талаптарҙан тайпылмаҫҡа ныҡлы нигеҙ булып тора.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Республикала иң яҡшы комбайнсыны асыҡлайҙар

Республикала иң яҡшы комбайнсыны асыҡлайҙар 20.08.2025 // Йәмғиәт

Башҡортостанда ураҡта иң юғары һөҙөмтәләргә өлгәшкән өсөн сираттағы республика конкурсы ойошторола....

Тотош уҡырға 11

Башҡортостанда Верхоторҙы төҙөкләндереү эштәре тамамланып килә

Башҡортостанда Верхоторҙы төҙөкләндереү эштәре тамамланып килә 20.08.2025 // Йәмғиәт

Ишембай районы хакимиәте башлығы Азат Ишемғолов үҙенең телеграм-каналында ошо турала хәбәр итә....

Тотош уҡырға 10

Республикала 1 сентябрҙән студент ҡатын-ҡыҙҙарға йөклөлөк буйынса пособие түләнә башлай

Республикала 1 сентябрҙән студент ҡатын-ҡыҙҙарға йөклөлөк буйынса пособие түләнә башлай 20.08.2025 // Йәмғиәт

Рәсәй вуздарында һәм колледждарында уҡып йөрөгән ҡатын-ҡыҙҙар йөклөлөк һәм бала табыу буйынса...

Тотош уҡырға 11

Башҡортостан депутаттары башҡа иҫтәлекле көндәрҙә лә Еңеү Байрағын элергә тигән тәҡдим индерҙе

Башҡортостан депутаттары башҡа иҫтәлекле көндәрҙә лә Еңеү Байрағын элергә тигән тәҡдим индерҙе 20.08.2025 // Йәмғиәт

Башҡортостан депутаттары башҡа иҫтәлекле көндәрҙә лә Еңеү Байрағын элергә тигән тәҡдим индерҙе...

Тотош уҡырға 10

Башҡортостан депутаттары башҡа иҫтәлекле көндәрҙә лә Еңеү байрағын элергә тигән тәҡдим индерҙе

Башҡортостан депутаттары башҡа иҫтәлекле көндәрҙә лә Еңеү байрағын элергә тигән тәҡдим индерҙе 20.08.2025 // Йәмғиәт

Башҡортостан депутаттары башҡа иҫтәлекле көндәрҙә лә Еңеү байрағын элергә тигән тәҡдим индерҙе...

Тотош уҡырға 12

Алимент түләмәгән яҡташыбыҙҙы эҙләйҙәр

Алимент түләмәгән яҡташыбыҙҙы эҙләйҙәр 20.08.2025 // Йәмғиәт

Уның 800 мең һумдан ашыу бурысы йыйылған....

Тотош уҡырға 13

Алимент түләмәгән яҡташыбыҙҙы эҙләйҙәр

Алимент түләмәгән яҡташыбыҙҙы эҙләйҙәр 20.08.2025 // Йәмғиәт

Уның 800 мең һумдан ашыу бурысы йыйылған....

Тотош уҡырға 11

Республикабыҙҙа слесарь-ремонтсы лотереяла миллион отҡан

Республикабыҙҙа слесарь-ремонтсы лотереяла миллион отҡан 20.08.2025 // Йәмғиәт

Еңеүсе үҙенең бәхетле билетын дәүләт лотереяһының мобиль ҡушымтаһында һатып алған....

Тотош уҡырға 13

Баймаҡ районында «Башҡорт аты» халыҡ-ара фестивале ойошторола

Баймаҡ районында «Башҡорт аты» халыҡ-ара фестивале ойошторола 20.08.2025 // Йәмғиәт

6 сентябрҙә Баймаҡ районының Граф күле янында дүртенсе тапҡыр «Башҡорт аты» халыҡ-ара фестивале...

Тотош уҡырға 14

Башҡортостандың ике ҡалаһында Ҡала көнө үткәрелмәй

Башҡортостандың ике ҡалаһында Ҡала көнө үткәрелмәй 19.08.2025 // Йәмғиәт

Башҡортостандың ике ҡалаһында Ҡала көнө үткәрелмәй...

Тотош уҡырға 17

Баш ҡалала почетлы педагогтарға премия 60 мең һумға тиклем арттырыла

Баш ҡалала почетлы педагогтарға премия 60 мең һумға тиклем арттырыла 19.08.2025 // Йәмғиәт

Бөгөн Өфө уҡтыусыларының август кәңәшмәһендә аҡсалата премия күләмен арттырыу тураһында тәҡдим...

Тотош уҡырға 19

Республикала хәүефле тәбиғәт күренештәре фаразлана

Республикала хәүефле тәбиғәт күренештәре фаразлана 19.08.2025 // Йәмғиәт

Республикала хәүефле тәбиғәт күренештәре фаразлана...

Тотош уҡырға 20