(8 – 14 июнь)

ҠУҘЫ (21.03 — 19.04).
Был аҙнала сәләмәтлегегеҙҙе хәстәрләргә кәңәш бирәбеҙ. Уңыштарығыҙ, ҡыуандырһа ла, күп көс һәм ваҡыт талап итә. Шуға күрә көсөр­гәнештән ҡотолорға, нервығыҙҙы тәртипкә килтерергә тырышығыҙ. Эштән бер аҙ ял итеп алыу ҙа артыҡ булмаҫ. Тормошоғоҙҙа һәр йәһәттән үҙгәрештәр көтөлә, тик улар һеҙҙә ризалыҡ тыуҙырһын ине.

БУҒА (20.04 — 20.05).
Эшмәкәрлегегеҙ, яҡындарығыҙ ҙур иғтибар талап итер, моғайын. Әле матди мәсьәләләрҙе хәл итеү менән шөғөлләнәһегеҙ. Аҡса ғына ҡәнәғәтлек һәм тыныслыҡ килтерә, тип уйлаһағыҙ, һеҙ хаҡлы түгел. Бының ғаилә мөнәсәбәттәрендә кире эҙемтәгә килтереүе, ярыҡ ялғаш янында ҡалыуығыҙ ихтимал.

ИГЕҘӘКТӘР (21.05 — 21.06).
Әүҙемлегегеҙҙең сиге булмаҫ. Теге йәки был эшкә ашығып тотонорға, мөһим ҡарарҙы уйламайынса ҡабул итергә ярамай. Тынысланырға, киләсәккә план төҙөү менән шөғөлләнергә кәрәк. Аҡса йәһәтенән ҡыйынлыҡтар булыуы мөмкин. Күп йәһәттән эске һиҙемләүегеҙгә таянып эш итегеҙ.

ҠЫҪАЛА (22.06 — 22.07).
Финанс мәсьәләләренә иғтибар итегеҙ: бурыстарығыҙҙы таратығыҙ, түләүҙәрҙе кисек­термәгеҙ, килем менән сығымды күҙаллағыҙ. Аҙна уртаһында ғаилә мөнәсәбәттәрен көйләрһегеҙ, моғайын. Яҡындарығыҙҙың фекеренә ҡолаҡ һалмаһағыҙ, осор аҙағында низағ тыуыуы ихтимал.

АРЫҪЛАН (23.07 — 22.08).
Осор идеяларға һәм ваҡиғаларға бай булмаҡсы. Тик уларҙы тормошҡа ашырырға ашыҡмаҫһығыҙ, моғайын. Тәҡдиме­геҙҙе үҙһен­мәү­ҙәре лә ихтимал. Ошо ерлектә бәхәс сығыуы мөмкин. Шулай ҙа ныҡышма­лылығығыҙ һөҙөмтәһендә ҡуйған маҡсатығыҙға мотлаҡ өлгәшерһегеҙ.

ҠЫҘ (23.08 — 22.09).
Аҙнаның тәүге көндәре аралашыуҙарға бай булмаҡсы. Эшмәкәрлектә уңышлы килешеүҙәр көтә. Яҡшы компаньондар, йоғонтоло дуҫтар табырһығыҙ, моғайын. Үҙ эшен асҡандар өсөн яңы бәйләнештәр бигерәк тә отошло булыр. Киләсәктә матди хәлегеҙҙе яҡшыртып, байтаҡ ҡыйынлыҡтарҙан ҡотолорһоғоҙ.

ҮЛСӘҮ (23.09 — 22.10).
Аҙна ял итеү һәм күңел асыу өсөн ҡулай. Дуҫтар менән осрашыуҙар, тәбиғәт ҡосағына сығыу күңелегеҙҙе күтәрер. Аҡса кереме көтөлә. Ошо арала ынтылған һәм оҙаҡ көткән маҡсаттарығыҙ тормошҡа ашыр. Әле эшегеҙҙең уңышын йыйыр мәл етте. Ҙур тырышлыҡ һалһағыҙ, һөҙөмтәләр ҙә яҡшы булыр.

САЯН (23.10 — 21.11).
Хис-тойғоларҙың ташып торған осоро. Яңы бәйләнештәр, романтик мөнәсәбәттәр көтөлә. Мөхәббәтегеҙҙе осратыуығыҙ ихтимал. Тик тойғолар упҡынына башкөллө ташланып, ысынбарлыҡты онотоп ҡуймағыҙ. Яҙмыш алдығыҙға ике юлдың береһен һайлау бурысын ҡуйыр.

УҠСЫ (22.11 — 21.12).
Эшегеҙҙе, уй-фекерҙәрегеҙҙе тәртипкә килтереү осоро. Юҡ-барға борсолмағыҙ, барыһы ла яҡшы булыр. Хәл-шарттарға дөрөҫ баһа бирергә тырышығыҙ. Ғәҙеллек эҙләп, шәхси мәнфәғәтегеҙҙе яҡлап һүҙ көрәштермәгеҙ, ваҡиғалар үҙ ағышына барһын. Шикле эштән алыҫ тороғоҙ.

ЫЛАҠ (22.12 — 19.01).
Аҙна башында ғаиләгеҙгә иғтибар бирергә кәңәш ителә. Ләкин был ниндәйҙер проблемалар бар тигәнде аңлатмай. Киреһенсә, шәхси мөнәсәбәттәрҙә барыһы ла ал да гөл. Осорҙоң икенсе яртыһында башҡа мәшәҡәттәр көтә. Эске һиҙемләүгә таянып эш итергә тырышығыҙ. Яңы мөмкинлектәр осоро.

ҺЫУҒОЯР (20.01 — 18.02).
Ҡыҙыҡлы һәм ваҡиғаларға бай осор көтөлә. Бөтөнләй башҡа фекерҙә булһағыҙ ҙа, ситтәрҙең кәңәшенә ҡолаҡ һалығыҙ, киләсәктә файҙаһы тейеүе бар. Тормошоғоҙҙа ҙур үҙгәрештәр булыуы мөмкин. Ә бына уларҙың яҡшы йәки насар булыуы әлеге ғәмәлдәрегеҙгә бәйле.

БАЛЫҠ (19.02 — 20.03).
Осор башында ваҡ-төйәк күңелһеҙлектәргә юл ҡуймайым тиһәгеҙ, һәр йәһәттән иғтибарлы булығыҙ. Күңел асырға саҡырыуҙары ихтимал. Тик ныҡлы уйлағыҙ: бының һеҙгә кәрәге бармы-юҡмы? Аҙна яңы эш башлау өсөн бик ҡулай. Идеяларҙы тормошҡа ашырыу өсөн көс-ҡеүәтегеҙ ташып торор.