ҠУҘЫ (21.03 — 19.04).
Был аҙнала күп йәһәттән бәхет йылмайыр. Тик яҡшы ваҡиғаларға үҙегеҙ генә ҡамасауламаһағыҙ ине. Осор башында мөхәббәтегеҙҙе осратыуығыҙ ихтимал. Яратҡан кешегеҙ бар икән, был көндәрҙә унан матур бүләк, яҡшы хәбәр көтөгөҙ. Ял көндәрендә туғандарығыҙ менән осрашырһығыҙ, моғайын.

БУҒА (20.04 — 20.05).
Ғаилә мөнәсәбәттәрендә уңыш көтөлә. Балаларығыҙ, һөйгәнегеҙ һәр йәһәттән ҡыуандырып торор. Тик аҙна уртаһында хәлдең бер аҙ үҙгәреүе ихтимал. Хоҡуғығыҙҙы, фекерегеҙҙе яҡларға тура килер. Уның ҡарауы, ғәҙеллек тантана итер, барлыҡ мәсьәлә ыңғай хәл ителер. Эш урынында етәкселек менән низағлашмаҫҡа тырышығыҙ.

ИГЕҘӘКТӘР (21.05 — 21.06).
Үҙ көсөгөҙгә ышанһағыҙ ҙа, тәҡдим ителгән ярҙамдан баш тартмағыҙ. Аҙнаның башы партнерлыҡ, һөҙөмтәләргә бергә өлгәшеү өсөн ҡулай. Шаршамбы һәм кесе йома көндәрендә бер аҙ кәйефегеҙ төшөр, эшкә ҡул бармаҫ кеүек. Борсолмағыҙ, тиҙҙән барыһы ла яйланыр, яңы мөмкинлектәр асылыр.

ҠЫҪАЛА (22.06 — 22.07).
Ваҡ-төйәк мәшәҡәттәр сығып торор. Тик кү­ңелһеҙлеккә бирелмәгеҙ, юғиһә хәлдәр ҡатмарлашыр ғына. Аҙна башында эштәге мәсьәләләрҙе сисергә тура килер. Ҡул ҡаушырып ултырмағыҙ, бар көсөгөҙҙө туплап, эшкә тотоноғоҙ. Һөҙөмтәләр тырышлығығыҙға бәйле буласаҡ.

АРЫҪЛАН (23.07 — 22.08).
Эске һиҙемләүегеҙ, хис-тойғолар нигеҙендә ҡылған ҡайһы бер ғәмәлдәрегеҙҙе яҡындарығыҙ аңлай алмаҫ кеүек. Шуға күрә тәнҡит һүҙҙәре лә ишетергә тура килер, моғайын. Низағлашыуға юл ҡуймағыҙ, сабыр булырға тырышығыҙ. Аҙна аҙағында яңы эшкә тотонорға мөмкин. Белемегеҙҙе камиллаштырыу, үҫеш йүнәлештәрен күҙаллау өсөн уңайлы мәл.

ҠЫҘ (23.08 — 22.09).
Ғаилә мөнәсәбәттәрендә уңыш көтөлә. Бер ниндәй сәбәпһеҙ туғандарығыҙ менән осрашыу күңелле минуттар бүләк итер. Шул уҡ ваҡытта эшмәкәрлек өлкә­һен­дә ғәҙәттәгенән күберәк көс һалырға тура килер, мо­ғайын. Яулаған үрҙәрҙе һаҡлап ҡалыу өсөн етәксе­лектең күрһәтмәләрен ентекле үтәргә тырышығыҙ.

ҮЛСӘҮ (23.09 — 22.10).
Белем алыуға йәки сәфәргә бәйле мәшәҡәттәр күп булмаҡсы. Тейешле документтар тултырыу өсөн төрлө инстанцияларҙа йөрөрһөгөҙ, моғайын. Сәләмәт тормош алып барырға кәңәш ителә. Аныҡ график төҙөгөҙ һәм шуға ярашлы эш итегеҙ, юғиһә бик тиҙ талсығырһығыҙ. Һәр йәһәттән яуаплылыҡ күрһәтегеҙ.

САЯН (23.10 — 21.11).
Тормош мәшәҡәттәренән ялҡып, яңғыҙ ҡалғығыҙ килер. Шуға күрә аҙнаның тәүге яртыһында аралашыуҙарҙы мөмкин тиклем кәметергә кәңәш ителә. Яңы идеяларҙы тормошҡа ашыра алмауығыҙ һөҙөмтәһендә битарафлыҡ тойғоһо биләп алыр кеүек. Үҙегеҙҙе ҡулға алығыҙ, ял көндәрендә барыһы ла яйға һалыныр.

УҠСЫ (22.11 — 21.12).
Аҙнаның тәүге яртыһында ҡатмарлы мәсьәләне хәл итеү менән мәшғүл булырһығыҙ, моғайын. Отош артынан ҡыуыу яҡындарығыҙҙа ҡәнәғәтһеҙлек тыуҙырыуы, низағлашыуығыҙ ихтимал. Әүҙемлек күрһәтһәгеҙ, бөтөн ҡыйынлыҡтарҙы уңышлы еңеп сығырһығыҙ. Аҙна аҙағында башҡарылған эштең яҡшы һөҙөмтәләре ҡыуандырыр.

ЫЛАҠ (22.12 — 19.01).
Был аҙнала яҡындарығыҙ менән мөнәсәбәттәрҙе асыҡламаҫҡа кәңәш ителә. Фекерҙәр ҡапма-ҡаршылығы көслө, хис-тойғолар тотороҡһоҙ мәл. Бәхәсләшһәгеҙ, араларығыҙҙың һыуыныуы ихтимал. Аҙна уртаһында артабанғы юлды һайлау бурысы ҡуйылыр. Осор аҙағында бөтөн тормошоғоҙҙо ҡайтанан күҙ уңынан үткәреп, ҡайһы берәүҙәр менән араларҙы бөтөнләй өҙөүегеҙ мөмкин.

ҺЫУҒОЯР (20.01 — 18.02).
Аҙна башында хәл-шарттарҙы тейешенсә күҙаллап, мөһим ҡарар ҡабул итергә тура килер. Дөрөҫ йүнәлеште һайлау һөҙөмтәһендә һөнәри үҫешкә, шәхси мөнәсәбәттәрҙә лә ыңғай алға китешкә өлгәшерһегеҙ, моғайын. Яңы танышлыҡтар, ғәмәлдәге мөнәсәбәттәрҙе яйға һалыу өсөн ҡулай мәл. Аҙна аҙағында өлкән туғандарығыҙҙың хәлен белергә кәңәш ителә.

БАЛЫҠ (19.02 — 20.03).
Мөһим ҡаҙаныштар мәле. Шуға күрә барлыҡ көс-ҡеүәтегеҙҙе, һәләтегеҙҙе тупларға тырышығыҙ. Алдығыҙға аныҡ маҡсат ҡуйып, шуға ынтылырһығыҙ. Аҙна аҙағына эске һиҙемләү көсө артыр. Был һеҙгә бәхәстәрҙе көйләргә, байтаҡ йөкләмәләрҙе үтәргә булышлыҡ итер.