100 грамм тел
100 грамм кишер, hуған
Тәменә ҡарап тоҙ, борос.

Һыйыр, hарыҡ h.б. hуйылған малдың телен hәйбәтләп йылы hыуҙа йыуып, яй утта, янына теленгән кишер, hуған, лавр япрағын hалып бешерегеҙ. Бешкән телде, өҫкө ҡатламы тиҙерәк ҡупhын өcөн, hалҡын hыуға hалып торорға кәрәк. Һыуынған телдең төбөнән осона табан өҫкө ҡатын ҡуптарығыҙ ҙа ҡайнап торған тоҙло hыуҙа тағы ла бер аҙ ҡайнатып алығыҙ. Телде йоҡа ғына телемдәргә турап, тәрилкәгә hалып, әсе йәки hыуытылған килеш табынға бирегеҙ. Янына бешкән картуф, кишер ҡуйырға мөмкин.
Быҡтырылған ит

Итте hөйәгенән айырып алығыҙ ҙа артыҡ эре итмәйенсә турағыҙ. Кәрәгенсә тоҙ, борос, лавр япрағы hалып, бөтәhен бергә ҡушып әҙерләп ҡуйығыҙ.
Ярты йәки бер литрлыҡ банкаларҙы таҙа итеп йыуығыҙ. 10 минут парҙа тотоғоҙ. Әҙерләнгән итте банкаларға бүлеп hалығыҙ ҙа банкаларҙы ҡапҡас менән нығытмайынса ғына ҡаплағыҙ.
Кәстрүлгә hалҡын hыу hалығыҙ ҙа шунда банкаларҙы теҙеп ултыртығыҙ (тик hыу һауыттарҙың өҫтөнә сыҡмаhын, уларҙың эсенә инмәhен) hәм утҡа ҡуйығыҙ. Банкалағы иткә hыу hалырға ярамай, ул кәстрүлдәге hыу ҡайнау арҡаhында бығып (томаланып) бешә. Ҡарт йәки йәш мал булыуына ҡарап, оҙаҡ йә тиҙ бешерәләр. Бешеп сыҡҡас, банкаларҙы үҙ hыуында көйө йылы хәлгә килгәнсе hыуытығыҙ ҙа ҡапҡастарын ныҡлап ябығыҙ. Әҙер консерваларҙы hалҡын ерҙә hаҡларға кәрәк.

Бауыр ҡоймағы
0,5 кг һыйыр бауыры
2 йомортҡа
5 баш һуған
3 картуф
200 грамм һөт
0,5 сәй ҡалағы сода
Тәменә ҡарап тоҙ, борос.

Бауырҙы, йомортҡаларҙы, һу­ғанды, сей картуфты ит ту­рағыстан үткәрегеҙ, һөт һәм тоҙ-борос ҡушып болғатығыҙ. Килеп сыҡҡан ҡатнашма ҡуйы ҡоймаҡ ҡамыры хәленә еткәс, ҡоймаҡ ҡойоғоҙ.

Сәк-сәк

Ҡамыр өсөн:
3 дана йомортҡа (йылы булырға тейеш),
1 сәй ҡалағы иретелгән аҡ май,
2 стакан иләнгән он,
1 семтем сода,
300 грамм бал.

Сироп өсөн:
100 грамм шәкәр ҡомо,
60 грамм бал,
1 аш ҡалағы hыу.

Йомортҡаларҙы һәйбәтләп бутап, тоҙ, сода, иретелгән аҡ май ҡушығыҙ, hуңыраҡ иләнгән он ҡушып йомшаҡ ҡамыр баҫығыҙ. Ҡамырҙы дымлы туҡыма менән ябып 1 сәғәт тотоғоҙ.
Сәк-сәкте төрлө яҡта төрлөсә эшләйҙәр: эре, ваҡ, йомро, оҙонса итеп киҫәләр.
Ҡамырҙы йоҡа итеп 5 мм ҡалынлығында йәйегеҙ, йәймәне 5-7 мм ҡалынлығында таҫмалар итеп киҫегеҙ. Ул таҫмаларҙы ҡәләм ҡалынлығына тиклем ҡул менән тәгәрләтегеҙ. Әҙерәк кипкәндән hуң (5 минут тирәhе) вак ҡына итеп бармаҡ быуынындай ҙурлыҡта турағыҙ. Сәк-сәкте ҡалын төплө hауытта (ҡаҙанда) ҡайнаған майҙа hалам төҫөнә ингәнсе бешерегеҙ. Болғатып торорға кәрәк, сәк-сәктең бөтә яҡтары бер төҫтә бешhен, унан hуң ҡайнап торған майҙан алып дуршлагка hалығыҙ, артыҡ майы ағып төшhөн.
Сироп әҙерләү: шәкәр ҡомона hыу ҡойоғоҙ, утҡа ҡуйып иретегеҙ, болғата-болғата ҡайнатып сығарығыҙ hәм бал өҫтәгеҙ. Сироп ҡуйыра башлағансы яй утта 30 минут болғатып ҡайнатығыҙ.
Сәк-сәк hыуынғас, айырым hауытта балдан эшләнгән сироп менән бутағыҙ.
Аҙаҡ hауыттарға өйөп hалығыҙ, ҡулдарҙы hыуыҡ hыуға манып, сәк-сәктән формалар яһағыҙ. Йөҙөм, борсаҡ, кәнфиттәр менән биҙәп була.