16 апрелдә Мәскәү ваҡыты буйынса көндөҙгө сәғәт 12-лә “Первый”, “Россия 1”, “Россия 24” телеканалдары, “Маяк”, “Вести ҒМ” һәм “Радио России” радиостанциялары эфирында “Владимир Путин менән тура бәйләнеш” уҙғарыла.

Рәсәй Президентына сту­дияға саҡырыл­ған ҡунаҡтар ғына түгел, шулай уҡ хәбәр­ҙәр­ҙе эшкәртеүҙең берҙәм үҙәгенә шыл­тыратҡан, SMS-хәбәр ебәргән кеше­ләр һорау бирә ала. Шулай уҡ ҡыҫҡа ғына видеомөрәжәғәт тә ебәрергә мөмкин. Тап­шы­рыуҙың сайтына инеп, үҙегеҙҙе борсо­ған мәсьәләләр буйынса ил башлы­ғының фекере менән ҡыҙыҡһынырға була.
Хәбәрҙәрҙе эшкәртеүҙең берҙәм үҙәге 9 ап­релдә асылды. Ул эшен тапшырыу та­мамланғанға тиклем дауам итә. Үҙәккә Рәсәй төбәктәренән 8-800-200-40-40 телефоны буйынса шылтыратырға мөмкин. Өй һәм кеҫә телефондарынан шылтыратыу бушлай. Интернет селтәрендә www.moskva-putinu.ru сайтына инеп тә һорау бирә алаһығыҙ. Бынан тыш, ошо уҡ сайттағы ҡыҫҡа видео­мөрә­жәғәт форматын, мобиль ҡулай­ла­малар өсөн махсус ҡу­шым­таны файҙа­ла­нырға мөмкин. SMS һәм MMS-хәбәрҙәр Рәсәйҙәге элемтә опе­раторҙарының телефонынан 0-40-40 номеры буйынса ҡабул ителә. Хәбәрҙе ебәргән өсөн хаҡ алынмай. Һорау урыҫ телендә яҙылырға, текст 70 билдәнән артмаҫҡа тейеш.