Бурыс күсәме?

Хосусилаштырылған бүлмә һа­тып алғайным, торлаҡ милек­селәре шир­ҡәтендә уның элекке ху­жаларының коммуналь хеҙ­мәт­тәр өсөн 13 мең һум бурысы барлығы асыҡ­лан­ды. Хәҙер минән ошо аҡ­саны талап итә­ләр. Ниңә мин түләргә тейеш?

У. НИЃМӘТУЛЛИН.

Өфө ҡалаһы.

Яңы милексе элеккеһенең бурысын ҡапларға тейеш тү­гел. Бүлмәгә милек хоҡуғы торлаҡ рәсми теркәлгәс бар­лыҡҡа килә (Рәсәй Торлаҡ кодексындағы 153-сө статья­ның 2-се пункты). Шуға шир­ҡәткә ҡайһы ваҡыттан алып бүлмәнең хужаһы икәнле­ге­геҙ күрһәтелгән ғариза менән бергә күсемһеҙ милек тура­һындағы таныҡлыҡтың күсер­мәһен тапшырығыҙ. Љабул ителгән көн тураһында яҙыуы булған ғаризаның күсер­мә­һен үҙегеҙгә алып ҡалырға онотмағыҙ. Єгәр ошонан һуң да бурысты ҡайтарыуығыҙҙы талап итһәләр, прокуратураға мөрәжәғәт ебәрегеҙ.

Ял иткем килмәй...

Биш ай элек шәхси фир­маға шофер булып эшкә урын­лаш­ҡай­ным. Хәҙер от­пускыға китергә өндәйҙәр. Є минең ял иткем килмәй. Баш тарта аламмы?

Динис.

Благовар районы.

Ойошмала беренсе йыл эш­ләгәндә отпуск алыу хо­ҡуғы алты ай үткәс бирелә. Ләкин был – һеҙҙең буры­сығыҙ түгел, хоҡуғығыҙ. Шуға ял итеүҙән баш тарта алаһы­ғыҙ. Киләһе йылдарҙа отпус­кы­ға графикка ярашлы ки­тергә кәрәк. Є ул яңы йылға тиклем ике аҙна ҡалғанға, йәғни 17 де­кабргә тиклем раҫланырға тейеш (Рәсәй Хеҙмәт кодек­сының 122-се, 123-сө статья­лары). Шуға отпуск ваҡытын етәкселек менән кәңәшләшеп кенә үҙгәртергә мөмкин.

Ћәр нәмәнең –
үҙ ҡануны

Өйөбөҙ төҙөлөп бөтмәһә лә, электр уты бар. Унда йә­шәргә мөмкин. Єммә миграция хеҙмәтенә теркәлергә тип барғайным, баш тарттылар...

Дилара.

Ҡариҙел районы.

Был, ысынлап та, дөрөҫ, сөнки йәшәү өсөн яраҡлы торлаҡта ғына рәсми теркә­лергә мөмкин. Был хәл йорт­тоң файҙаланыуға тап­шы­ры­лы­уы тураһындағы акт менән раҫлана. Унан тыш, күсемһеҙ милеккә хоҡуҡ тураһындағы танытманың да булыуы мот­лаҡ. Был хаҡта Рәсәй Торлаҡ кодексының 17-се статьяһы­ның 4-се пунктында әйтелә.

Рубриканы Айһылыу
НИЗАМОВА алып бара.