Британия ғалимдары Микеланд­желоның бронза скульптураһын тапҡан.
***

Һарытауҙа һары һәм һарғылт-ҡыҙыл ҡар яуғанын күргәндәр. Сахаранан иҫкән ҡомло һауа массаһы ҡарҙы ошондай төҫкә индергәндер, тип фараз ҡыла белгестәр.

***

Автомобиль һатып алғандарға ОСАГО полисы булмаһа ла 10 көн йө­рөргә рөхсәт ителә.

***

Быйыл Рәсәйҙә меңгә яҡын туристик операторҙың юҡҡа сы­ғыуы ихтимал, сәйәхәтселәрҙең ҡырҡа кәмеүе күҙаллана. Сит илгә путевкалар 50–70 процентҡа артты, йәйгә йәнә ҡыйбатланыуы көтөлә.

***

“Урыҫ араҡыһы”на — 150 йыл. Тарихына килгәндә, 1865 йылда Дмитрий Менделеев үҙенең тик­шере­неүҙәренең һөҙөмтәһен — спирт менән һыуҙың ҡушылмаһын — тәҡдим иткән. Ул, яңы шыйыҡ­саның градусы 40-тан кәм булырға тейеш түгел, тигән.

***

Быйыл Рәсәйҙә һауа торошоноң ике градусҡа йылыраҡ булыуы билдәләнгән. Был глобаль йылы­лыҡ яҡынлаша тигәнде аңлата. Температура артабан да арта барһа, 150 йылдан Рәсәйҙә ҡыш юҡҡа сығасаҡ, ә 500 йылдан илдә йыл әйләнәһенә йәй буласаҡ.

***

Рәсәй Хөкүмәтенең Премьер-министры Дмитрий Медведев дәүләт һәм муниципаль органдарға сит ил автосәнәғәте тауарҙарын алыуҙы сикләү хаҡында документҡа ҡул ҡуйҙы.
***

“Звезда” телеканалында “Яңы йондоҙ” тигән Бөтә Рәсәй вокаль конкурсы башланды. Унда беҙҙең республиканан Әбйәлил ҡыҙы Регина Агилова ла ҡатнашты. Ул Лайма Вайкуленың “Эй, моряк!” һәм “Моңло ҡурай” тигән башҡорт йырын башҡарҙы. Финал 8 майҙа була.
***

Башҡорт дәүләт ҡурсаҡ театры 1–15 февралдә Һиндостанда бар­ған халыҡ-ара конкурста ҡатна­ша. Яҡташтарыбыҙ “Урал батыр”, “Һин­достан легендаһы” һәм “Панчатантра” спектаклдәрен күрһәтә.

***
Свердловск өлкәһендәге колонияла ике хеҙмәткәр автоматтан атышҡан. Һөҙөмтәлә береһе һәләк булған, икенсеһе район дауахана­һына эләккән.