(2 – 8 февраль)
Теләктәрҙең тормошҡа ашыу осоро. Насар ғәҙәттәрҙән ҡото­лорға, күңелде һәм тәнде саф­лан­дырырға тырышығыҙ. Кө­сө­гөҙҙө ғаилә мөнәсәбәттә­рен нығытыуға, йәшәгән ере­геҙ­ҙе төҙөкләндереүгә йү­нәл­тегеҙ. Яңы башланғыс­тарға алданып, әүәлге эштәрҙе ташлап ҡуйырға ярамай.
ҠУҘЫ (21.03 — 19.04).
Танышлыҡтар, осрашыуҙар өсөн бик тә ҡулай мәл. Сит ке­ше­ләрҙең ылыҡтырғыс тәҡдимдә­ренән баш тартырға кәңәш ителә. Аҙнаны әүҙем үткәрһәгеҙ, һөҙөм­тәләр ҙә ҡыуан­дырыр.
БУҒА (20.04 — 20.05).
Әлегә тиклем һеҙгә бик күп эшләргә тура килде. Хәҙер ошо хеҙмәттең уңышын йыйырға ва­ҡыт. Йәмғиәттә абруйығыҙ артыр, мөхәб­бәт өлкәһендә лә күңелле хәлдәр көтөлә. Бөтә мөмкинлек­тәрҙән фай­ҙаланып ҡалырға ашы­ғығыҙ.
ИГЕҘӘКТӘР (21.05 — 21.06)
Һәр йәһәттән уңыш йылмайыр. Тормошто үҙгәртеүҙән ҡурҡ­ма­ғыҙ – бик ҡулай мәл. Аҡса мәсьәлә­һендәге ҡыйынлыҡтар кәйефе­геҙ­ҙе төшөрмә­һен. Эшлекле бәй­лә­неш­тәр булды­рырға, килешеүҙәр төҙөргә кәңәш ителә.
ҠЫҪАЛА (22.06 — 22.07).
Яҡындарығыҙ, етәкселек ме­нән арағыҙ боҙолмаһын тиһәгеҙ, түҙем, сабыр булығыҙ, хис-тойғо­ларығыҙҙы ауыҙлыҡларға тыры­шығыҙ. Осор айыҡ аҡыл, зиһен теүәллеге талап итә.
АРЫҪЛАН (23.07 — 22.08).
Хеҙмәттәштәрегеҙ менән мөнәсә­бәт­тәрҙе нығытһағыҙ, уңышҡа өлгә­шер­һегеҙ, абруйы­ғыҙ артыр. Ғаи­ләләге хәлдәр әле эш урынын­дағы ваҡи­ға­ларға тура­нан-тура бәй­ле. Шуға күрә низағ­ҡа юл ҡуймаҫҡа тыры­шығыҙ.
ҠЫҘ (23.08 — 22.09).
Ихтыяждарҙы ауыҙлыҡлап, ҡа­йыш­ты ҡыҫыбыраҡ быуырға тура килер, моғайын. Көсөр­гә­нешле эш көтә. Юҡ-бар мәсьәләләргә иғтибар итмәҫкә, бурысҡа алмаҫҡа тырышы­ғыҙ. Ғаилә, өй һәм эш – был аҙнала һеҙҙең өсөн беренсе урында.
ҮЛСӘҮ (23.09 — 22.10).
Аҙна шәхси мөнәсәбәттәр йәһә­тенән уңышлы булмаҡсы, тик ни­кахҡа инмәҫкә, вәғәҙәләр бирмәҫкә кәңәш ителә, сөнки хәлдең ҡырҡа үҙгәреүе ихтимал. Эш урынында ҙур килем алыу мөмкинлеге юҡ, шуға күрә бер аҙ ял итергә мөмкин.
САЯН (23.10 — 21.11).
Шәхси мөнәсәбәттәрҙә хаҡлы булыуығыҙҙы иҫбатларға тура килер. Көрәш, хәүеф менән һуғарылған мәшәҡәтле аҙна. Дүшәмбе һәм шаршамбы юлда һәм кеше менән аралашҡанда һаҡ булығыҙ. Күсемһеҙ милеккә бәйле мәсьәләләрҙе ыңғай хәл итергә мөмкин.
УҠСЫ (22.11 — 21.12).
Мөхәббәт өлкәһендә уңыштар көтә. Ижади хеҙмәт өсөн дә уңай­лы осор. Мәл асыштар, таныш­лыҡтар, ҡыҙыҡлы сәфәрҙәр өсөн ҡулай. Тормошоғоҙға үҙгәреш индерергә тырышығыҙ. Килә­сәк­кә ҙур килешеү­ҙәр төҙөргә мөмкин. Аҙна уртаһында ял итеп алырға кәрәк.
ЫЛАҠ (22.12 — 19.01).
Мөхәббәт утында янырһығыҙ, моғайын. Тик ысын һөйөүҙе ябай мауығыуҙан айырырлыҡ көс тапһа­ғыҙ ине. Аҙнаның аҙағы ижади йә­һәттән һөҙөмтәле булмаҡсы. Оҙайлы һәм уңышлы хеҙмәттәшлек өсөн дә ҡулай осор.
ҺЫУҒОЯР (20.01 — 18.02).
Тормошта тотҡан урынығыҙҙы һаҡ­лап ҡалыу өсөн көрәш мәле. Һәр йәһәттән үҙгәреш, яңылыҡ индереү зарурлығы тыуыр. Уңышҡа өлгәшеү өсөн аҙнаның тәүге яртыһын фай­ҙа­ланып ҡалығыҙ. Һөҙөмтәләр ты­рыш­лыҡҡа, ныҡышмалылыҡҡа бәй­ле.
БАЛЫҠ (19.02 — 20.03).
Уйланылмаған эш-ғәмәл ҡылмаҫ­ҡа тырышығыҙ. Бәхәсле мәсьәлә­ләрҙе ыңғай хәл итеү өсөн аҙнаның тәүге көндәрен файҙаланығыҙ. Эске һиҙемләүегеҙгә иғтибар итегеҙ, буш вәғәҙәләр бирмәгеҙ.