Был аҙнала Венера Ҡуҙы билдәһе аҫтына күсә – ошо хәл һәммәһендә лә тынғыһыҙлыҡ тыуҙырыуға сәбәпсе буласаҡ. Шәхси тормошта ҡырыҫлыҡ, ҡатылыҡ күрһәтерһегеҙ, икенсе яртығыҙға ни кәрәк икәнлеген унан да яҡшыраҡ белгәндәй ҡыланырһығыҙ. Уртаҡ фекергә килеүҙән баш тартырһығыҙ. Килгән хәлдә лә, нимәнелер иҫәпкә алманым, отолдом, тип үкенерһегеҙ. Хис-тойғолар әүҙемләшкән мәл – ҡарағыҙ уны, башығыҙҙы юғалтмағыҙ! Бер нисә кеше менән бер юлы мөнәсәбәттәр булдырыуығыҙ ихтимал.
Эшлекле ғәмәлдәр өсөн уңышлы аҙна, финанс өлкәһендә сослоҡ күрһәтерһегеҙ. Ниндәйҙер шик-шөбһәләр бар икән, ҡыҙыҡһынығыҙ, уйлағыҙ, мәғлүмәт туплағыҙ.
Дүшәмбенең тәүге яртыһы уңышлы. Шишәмбе күрәләтә яңылыш аҙымға барыуығыҙ ихтимал. Шаршамбы һиҙгерлек тойғоһо көслө булыр, әммә уны хәүеф сығанағын эҙләүгә сарыф итерһегеҙ. Кесе йома – уңышлы көн. Үҙ-үҙегеҙгә ышанһағыҙ, барыһы ла тормошҡа ашасаҡ. Йома көтөлмәгән хәлдәр булыуы ихтимал, шуға ла мөһим ғәмәлдәргә тотонмағыҙ.

Ҡуҙы (21.03 – 20.04)
Был аҙнала ваҡиғаларға яраҡлашырға тура килер. Миҫал өсөн, яңы роль өйрәнергә йә иһә яңы вазифа нескәлектәренә төшөнөргә кәрәк буласаҡ.

Буға (21.04 – 21.05)
Был көндәр фәнни эш, профессионаллекте камиллаштырыу, яңы һөнәр үҙенсәлектәренә төшөнөү өсөн ҡулай.

Игеҙәктәр (22.05 – 21.06)
Маҡсатығыҙға ярайһы уҡ яҡынлашырһығыҙ. Бәлки, теләгәнегеҙгә өлгәшеп тә ҡуйырһығыҙ – аҙна уңышлы, әүҙем булмаҡсы.

Ҡыҫала (22.06 – 23.07)
Хәл-ваҡиғаларға бөтөнләй икенсе күҙлектән бағыу мөмкинлеге тыуыр йә иһә бығаса белмәгән күренеште күҙәтеү форсаты сығыр.

Арыҫлан (24.07 – 23.08)
Дәүләт инстанцияһы вәкилдәре, етәксегеҙ менән аңлашылмаусанлыҡтар килеп сығыуы ихтимал. Ҡағиҙәләрҙе теүәл үтәргә тырышығыҙ.

Ҡыҙ (24.08 – 23.09)
Уңышлы көндәр – күп ғәмәлдәрҙе башҡарып өлгөрөрһөгөҙ. Әммә был хеҙмәттәштәрегеҙ йә иһә заказсылар менән мөнәсәбәтегеҙҙе үҙгәртеүе ихтимал.

Үлсәү (24.09 – 23.10)
Балаларға бәйле эштәр менән булығыҙ. Бәлки, уларҙың уҡыуына күберәк иғтибар бүлергә, йә иһә көн тәртибен үҙгәртергә кәрәктер. Проблемалар үҙенән-үҙе юҡҡа сыҡмаясаҡ.

Саян (24.10 –22.11)
"Себеште көҙ һанайҙар" – ошо хәҡиҡәтте иҫтән сығармағыҙ. Шуға күрә ағымдағы хәл-ваҡиғаларҙан ғына сығып һығымта яһарға ашыҡмағыҙ.

Уҡсы (23.11 – 21.12)
Туғандарығыҙ йонсотор. Бәлки, проблемаларын да хәл итешергә тура килер. Шул уҡ ваҡытта улар менән уртаҡ тел табыу ҡатмарлы булыр.

Ылаҡ (22.12 – 20.01)
Матди хәлегеҙҙе яҡшыртырһығыҙ, башҡаларға ла ярҙам итерһегеҙ һәм бик ҡәнәғәт ҡалырһығыҙ.

Һыуғояр (21.01 – 19.02)
Һаулығығыҙ, физик хәлегеҙ менән мәшғүл булырһығыҙ. Быға тиклем ҡулланылған алымдар ярҙам итмәһә, зарар юҡ: кеше үҙ хаталарында өйрәнә.

Балыҡ (20.02 – 20.03)
Һөҙөмтәләрҙе барларһығыҙ. Ҡасандыр мөһим тойолған ҡайһы бер ғәмәлдәрҙең ни тиклем буш булғанын аңларһығыҙ.