Рәсәй Федерацияһы Президенты Указына ярашлы, хеҙмәттә өлгәшкән уңыштары, оҙаҡ йылдар намыҫлы эшләгәне һәм әүҙем йәмәғәт эшмәкәрлеге өсөн Рәсәй Рәссамдар союзының төбәк бүлексәһе ағзаһы, сәнғәт белгесе Оськина Ирина Николаевнаға — “Рәсәй Федерацияһының атҡаҙанған сәнғәт эшмәкәре”, һаулыҡ һаҡлауҙағы, медицина фәнен үҫтереүҙәге хеҙмәттәре һәм оҙаҡ йылдар намыҫлы эшләгәне өсөн Ғ.Ғ. Ҡыуатов исемендәге Республика клиник дауаханаһының бүлек мөдире Шәрипов Рәшит Абдулла улына — “Рәсәй Федерацияһының атҡаҙанған врачы”, төҙөлөш өлкәһендәге хеҙмәттәре һәм оҙаҡ йылдар намыҫлы эшләгәне өсөн 680-се төҙөлөш-монтаж идаралығының проходкалаусыһы Шеремета Анатолий Ивановичҡа — “Рәсәй Федерацияһының атҡаҙанған төҙөүсеһе”, нефть һәм газ сәнәғәте өлкәһендәге хеҙмәттәре, оҙаҡ йылдар намыҫлы эшләгәне өсөн “БУРИНТЕХ” фәнни-етештереү предприятиеһының Ырымбур ҡалаһындағы вәкиллеге директоры Бикенәев Рауил Әхиәр улына “Рәсәй Федерацияһының атҡаҙанған нефть һәм газ сәнәғәте хеҙмәткәре” тигән маҡтаулы исемдәр бирелде.