Йыл һайын Башҡортостан дәүләт аграр университетының I курс студенттары араһында үҙешмәкәр сәнғәт фестивален үткәреү матур бер йолаға әүерелгән.

Тамаша механика факультетының ир-егеттәр хоры (һүрәттә) менән асылды, улар­ҙан ҡала информация технологиялары һәм идара итеү факультеты вәкил­дәре талғын вальста өйрөлдө. Вилдан Абраров, Ирина Бронникова баш­ҡары­уын­дағы моңло йырҙар күңелдәрҙе әсир итһә, энергетика факульте­тының театр­лаштырылған тамаша­һы, яҡты­лыҡ шоуы үҙенсәлекле булыуы менән арбаны.
Уҡыу йорто ректоры, техник фәндәр док­торы, профессор Илдар Ғәбитов әйте­үенсә, университет киләсәктә лә талант­лы, әүҙем йәштәрҙе үҫтереүгә бу­лышлыҡ итәсәк.
– Быйыл I курсҡа килгәндәр араһында иң һәләтлеләрҙе билдәләү ауыр булды, сөнки һәр сығыш сағыу, еңеүсе исеменә лайыҡ кеүек, – ти университеттың эстетик тәрбиә үҙәге директоры Резеда Петрунина.
Баһалама ағзалары тарафынан төрлө номинацияла иң-иңдәр тип билдә­лән­гәндәр диплом, бүләк алып ҡыуанды. Ике ай әҙер­ләнеп, өс көн дауамында сығыш яһаған­дан һуң, информация технологиялары һәм идара итеү факультеты – беренсе, агротехнология һәм урман ху­жа­лығы – икенсе, энергетика һәм иҡ­тисад факультетының I курс студенттары өсөнсө урынды яуланы.