1. ГАЗ ПЛИТӘҺЕ

Бөтә крандарҙың ябылғанына инанығыҙ.
Артабан газ үткәргестәге кранды тулыһынса асығыҙ.
Янған шырпыны газ горелкаһына яҡын килтерегеҙ, унан һуң кранды асығыҙ.
Сыҡҡан ялҡын тыныс, зәңгәрһыу йәки шәмәхә төҫтә икән, тимәк, газ яҡшы яна.
Файҙаланып бөткәс, горелканың, артабан газ үткәргестең кранын ябығыҙ.
Духовканы файҙаланыр алдынан, ишеген асып, ике-өс минут елләтегеҙ.
Янып торған шырпыны духовканың горелкаһына яҡын килтерегеҙ. Газ горелканың бөтә ектәрендә янырға тейеш. Ҡабыҙыу егенең ҡапҡасын, унан һуң духовканың ишеген ябығыҙ.
Янып торған горелканы ҡарауһыҙ ҡалдырырға, шулай уҡ уны бүлмәне йылытыу өсөн файҙаланырға ярамай.
Горелкаға шыйыҡса ағып төшөүгә юл ҡуймағыҙ.
Мәктәпкәсә йәштәге балаларға, өлкәндәргә һәм иҫерек кешеләргә газ приборын ҡулланырға рөхсәт итмәгеҙ.
2. ГАЗ БАЛЛОНЫ

lШәхси торлаҡ йорттарҙа, фатирҙа, бүлмәлә, шулай уҡ аш бүлмәһендә, эвакуация юлдарында, баҫҡыста, цоколь ҡатында, подвалда, ҡыйыҡта, балконда, лоджияла яныу­сан газ тултырылған баллондарҙы һаҡлау тыйыла.
lБаллонға газды ошоноң өсөн тәғейенләнгән, үлсәү, контроль үлсәү менән йыһазланды­рылған махсус урындарҙа тултырырға. Баллонға тулты­рылған газ һауыттың күләменең 85 процентынан артмаҫҡа тейеш.
3. ТӨТӨН ЮЛЫ
lКүп фатирлы йорттарҙа идарасы компания, ә торлаҡ йорттарҙа милексе тө­төн һем елләтеү юлдарын тәртиптә тоторға тейеш.
lТөтөн һәм елләтеү юлдары йылытыу миҙгеле осоронда йылына кәмендә өс тапҡыр тикшерелә һәм таҙартыла.
lТөтөн юлдарының тығылыуы, торбаларға боҙ туңыуы, уларға сит әйбер­ҙәр элегеүе тартыу көсөнөң боҙолоуына сәбәпсе булыуы ихтимал. Шу­ға күрә газ менән йылытылған при­борҙы йәки газ колонкаһын ҡабыҙыр алдынан тартыу көсөн тикшерергә кәрәк.
lТартыу көсө булмағанда йәки төтөн юлдары емерелгәндә газ приборын һәм колонкаһын ҡулланыу тыйыла, сөнки газ менән ағыуланыу хәүефе бар.
lГаз менән ағыуланыуҙың тәүге үҙен­сәлектәре күҙәтелһә (күреү, ишетеү һәләте түбәнәйһә, баш ауыртһа, әйлән­һә), газ приборын ҡулланыуҙы туҡ­татырға, крандарҙы ябырға, бүлмәне елләтеү өсөн тәҙрәләрҙе асырға, “04” телефоны буйынса авария газ хеҙмәтен саҡырырға кәрәк.
Газ колонкаһы ҡуйылған бүлмәгә һауа тыштан (тәҙрә, иҙән менән ишек араһын­дағы ек аша) һәм түшәм янындағы елләтеү юлы аша ирекле инергә тейеш.
Колонканы ҡабыҙыр алдынан төтөн юлындағы тартыу көсөн тикшереү фарыз, бының өсөн янған шырпыны колонкалағы махсус еккә яҡын килтерергә кәрәк. Был осраҡта шырпының ялҡыны ектән эскә тартылырға тейеш.
Төтөн йәки елләтеү юлында тартыу көсө булмаһа йәки тейешенсә булмаһа, газ ко­лонкаһын файҙаланыу ҡәтғи тыйыла!
Горелкаһы янып торған колонканы ҡа­рау­һыҙ, шулай уҡ горелкаһын ҡабыҙмаған килеш газ кранын асыҡ ҡалдырырға ярамай.
Газ колонкаһының хәүефһеҙлек автома­тикаһы боҙолған икән, уны файҙаланыу тыйыла.