Хөрмәтле почтальондар һәм йәмәғәт башланғысында матбуғат таратыусылар!
2015 йылдың тәүге яртыһына матбуғатҡа яҙылыу башланды. Күптәнге уҡыусыларыбыҙҙың киләһе йылда ла беҙҙең менән ҡалырына, яңы дуҫтар өҫтәлеренә өмөт итәбеҙ. Әммә быға өлгәшеүҙә, хөрмәтле почтальондар һәм йәмәғәт башланғысында матбуғат таратыусылар, һеҙҙең дә ярҙамығыҙ кәрәк. Әйҙәгеҙ, республиканың төп милли баҫмаһы һәр йортҡа килһен өсөн бергәләп тырышайыҡ.
Һеҙҙе һәр кем менән шәхсән эшләргә, мөмкинлектәренә ҡарап, гәзиткә 6 айға тотошлай яҙҙыртырға саҡырабыҙ.
Конкурста “Башҡортостан” гәзитенә ҡалаларҙа һәм район үҙәктәрендә — 50, ауылдарҙа 30 дана яҙҙырт­ҡандар ҡатнаша ала. Бәйгегә йомғаҡ киләһе йылдың ғинуарында яһаласаҡ. Квитанциялар һанын почтала раҫлатып, мәғлүмәтте редакцияға ебәрегеҙ. Бәйге шартын үтәгәндәрҙе Рәхмәт хаттары һәм иҫтәлекле бүләктәр көтә.
Хөрмәтле почтальондар һәм йәмәғәт башланғысында матбуғат таратыусылар! Конкурсҡа фатиха биреп, һеҙҙең барығыҙҙы ла баҫманы бөгөндән мөмкин тиклем күберәк таратырға саҡырабыҙ!
Һорауҙарығыҙ булһа, 272-96-90 телефоны буйынса редакцияның матбуғат таратыу бүлегенә мөрәжәғәт итегеҙ.