Сарала ҡатнашырға теләгән ғаиләгә баш ҡаланың йәштәр сәйәсәте комитетына тейешле материалдарҙы тапшырыу шарт. Бынан тыш, конкурсанттар “Ғаиләм — байлығым!” тип аталған таныштырыу күргәҙмәһен ойошторорға тейеш. Унда парҙар үҙҙәренең мәҙәни йолалары, шөғөлдәре, тарихи үҙенсәлектәре сағылдырылған фотолар менән биҙәлгән шәжәрәһен тәҡдим итә. “Ғаилә ҡороу — үҙе бер сәнғәт” конкурсында сәнғәт оҫталығын күрһәтергә, ғаиләң хаҡында һөйләргә мөмкин. “Яңы быуат таланттары” ижади бәйгеһендә балалар сығыш яһай.
“Берҙәм ғаилә” тип аталған өйгә эшкә туғандарҙы ла йәлеп итергә мөмкин. Бәйгелә еңеүселәр һәм финалға сығыусылар 15 октябрҙә билдәләнә. Конкурста 35 йәшкә тиклемге ата-әсәләр һәм уларҙың 5 – 14 йәшлек балалары ҡатнаша ала.
Йыл һайын үткәрелгән “Йәш ғаилә” бәйгеһенең төп маҡсаты — балалы ғаиләләрҙе дәртләндереү, төп ҡиммәттәрҙе нығытыу, йәмғиәттә ғаиләнең абруйын һәм әһәмиәтен арттырыу, йәш ғаиләләр өсөн йәшәү шарттары тыуҙырыу, сәләмәт тормошто пропагандалау.
Ентеклерәк мәғлүмәтте 279-06-30 телефоны буйынса һәм Өфө ҡала хакимиәтенең йәштәр сәйәсәте комитеты сайтынан алырға мөмкин.