Тирә-яғыма күҙ һалам:
Ниндәй матур был донъя!
Урман шаулай, шишмә йырлай,
Ҡояш йылмайып ҡуя.

Ошо матур тәбиғәтте
Һаҡлаһаҡ ине бергә.
Изгелек мең рәхмәт булып
Ҡайтыр ул үҙебеҙгә.

Венера ИСЛАМОВА,
Иҫке Мошто мәктәбе уҡыусыһы.










Ишембай районы

Һаҡланһын тиһәк...

“Ҙур үҫ, кеше бул!” – тип өйрәтә миңә атайым менән әсәйем. Изге теләкте улар туған телебеҙҙә әйтә.
Бәләкәй саҡтан үҙебеҙсә – баш­ҡортса – әкиәттәр ишетеп, йыр­ҙар тыңлап үҫтем. Теле барҙың иле бар, ти халыҡ. Тимәк, еребеҙ һаҡланһын тиһәк, ғәмле булырға, туған телебеҙҙә һөй­ләшергә те­йешбеҙ.

Илшат ДҮСӘЛИН,
Этҡол мәктәбе уҡыусыһы.








Борай районы

Бигерәк
күпте белә!

Әхирәтем Айгизә
Бигерәк күпте белә:
Һүрәт төшөрә, сигә,
Оҫта итеп бейей ҙә!

Лилиә ҠАЗЫХАНОВА,
Борай мәктәбе уҡыусыһы.












Учалы районы

Изге эштәр башҡарып...

Йәшәү өсөн һис тик тормай
Алға атларға кәрәк.
Насар ҡылыҡ булһа, уны
Беҙгә ташларға кәрәк.

Изге эштәр башҡарып
Йәшәйек беҙ көн һайын.
Яуызлыҡтан, ялҡаулыҡтан
Һаҡланайыҡ, дуҫтарым.

Лидиә ДИНМӨХӘМӘТОВА,
Ураҙ лицейы уҡыусыһы.




Нефтекама ҡалаһы

Камала тыуған ҡалам

Камала тыуған был ҡала,
Исеме – Нефтекама.
Тарихы бай, төҙөк, етеш -
Бар халыҡ хайран ҡала.

Исемеңде күтәрергә
Мин дә ҙур көс һалырмын.
Ғәзиз еремә кәрәкле
Кеше булыу – хыялым.

Рөстәм НАСИРОВ,
5-се мәктәп уҡыусыһы.


“Ҡара алтын” төйәге

Кама йылғаһы ярында
“Ҡара алтын” тапҡандар.
Унан йорттар, завод төҙөп,
Яңы ҡала һалғандар.

Йыл артынан йыл уҙа,
Ҙурая Нефтекама.
Автобус та сығарып,
Танылыу алды ҡалам.

Артур ШӘҢГӘРӘЕВ,
12-cе мәктәп уҡыусыһы.













Баймаҡ районы

Икеләтә бәхетлемен

Өләсәйле балалар икеләтә бәхет­лелер ул. Мин – тап шундайҙарҙан. Ҡәҙерле өләсәйем Разия Юнысбаева районыбыҙҙың Иҫке Сибай ауылында йәшәй.
Бәләкәйерәк сағымда унан әкиәт ишетмәйенсә йоҡоға китмәй тор­ғай­ным. Ә өләсәйемдең һөйләгәндәре шундай ҡыҙыҡлы, мажаралы, баш­ҡаларҙыҡына бөтөнләй оҡшамаған. Был әкиәтттәрҙең һәр береһендә Айнур исемле малай була торғайны. Ул шул ҡәҙәр һәйбәт, бер ваҡытта ла алдашмай, ата-әсәһенә гел генә ярҙам итә, ауырлыҡтарҙы тырыш­лыҡ менән еңеп сыға...
Өләсәйемдең һүҙ байлығына һоҡ­ланам. Телмәрендә ниндәй генә мә­ҡәл-әйтем ҡулланмай! Уларҙың кү­беһе халыҡ телендә һирәк осрай, хатта китаптарҙа ла юҡ, тиҙәр.

Диана ЫРЫҪБАЕВА,
Әбделкәрим мәктәбе уҡыусыһы.