Әйтәйек, тел һәм әҙәбиәт буйынса бер нисә ғилми лаборатория, түңәрәк эшләй. Студент уларҙа һайлаған те­маһы буйынса мәғлүмәт туп­лай, мә­ҡәлә яҙырға өйрәнә, кон­­фе­рен­цияларҙа сығыш яһарға әҙерләнә, про­екттар төҙөй, конкурс­тарҙа ҡатнаша. Мәҫәлән, профессор Миңһы­лыу Усманова етәксе­леген­дәге “Тыуған төбәк” түңәрәгендә тыуған еребеҙ­ҙең үҙенсә­лектәрен асырға ярҙам иткән ономастика, диа­лектология фәндәре төп­лө өйрәнелә.
Уңыштар ҙа бар. Әйтәйек, быйыл I курс студенты ­Л. Йәнекәева үлән атамала­ры­ның идеографик һүҙлеген төҙөүҙә ҡатнашыу мөм­­ки­н­­леген алды, З. Ҡолмөхәмә­тов (II курс) менән Г. Фәй­зуллина (I курс) “Өфө урам­да­рының исеме һәм уларҙың этимологияһы” тигән темаға проект эшләне, М. Төл­көбаева, Н. Иҫән­гилди­на, Л. Йәне­кәева, Г. Фәйзуллина, З. Ҡол­­мө­хәмәтов Сибай, Өфө ҡалала­рында үткән фәнни конференцияларҙа ҡат­наш­ты, мәҡәләләрен баҫтырҙы.
Түңәрәктең яҡшы эшмәкәрлегенә тағы ла бер дәлил: быйылғы уҡыу йылы аҙағында факультетта “Тыуған төйә­геңде беләһеңме?” тигән те­маға семинар-викторина уҙғарылды. Уны II курс студенттары әҙерләгәйне. Һәр береһе алдан тыуған ауылының тарихын өйрәнде, рес­пуб­ликалағы ер-һыу ата­маларының килеп сығы­шын асыҡланы, викторина һорауҙары төҙөнө. Курстағы өс төркөм өс команда тип аталып, семинар-викторина бик ҡыҙыҡлы башланып китте. Һәр береһе исем, девиз, йыр әҙерләгәйне. Араларында 203-сө төр­көмдөкөләр айырылып торҙо. Уларҙың командаһының исеме – “Райондар дуҫлығы”, ­девиздары ла бик йөкмәт­келе ине. Сығыштарының Миңһылыу Усманова һүҙҙәренә көйөн Зөһрә Усманова яҙған, факультеттың гимны һаналған йыр менән башланыуы сараға тағы ла ҙур дәрт өҫтәп ебәрҙе.
Артабан һәр команданан өсәр кеше тыуған ауылы тураһында һөйләне. Сығыштарҙың бары­һы ла үҙенә күрә ҡыҙыҡлы, фәһемле булды. Унан викторина ойошторолдо.
Ихлас тырышҡан, һорауҙарға тулы яуап би­рергә ынтылған һәр команда сараның еңеүсеһе тип табылды. Миңһылыу Ғөбәйт ҡыҙы уларҙың барыһына ла тәмле күстәнәс – торт тапшырҙы.
Беҙ, студенттар, ошондай саралар­ҙы даими уҙғарыуҙың мөһимлеген, Баш­ҡорт­остандағы ер-һыу атамалары­ның килеп сығышы тарихын, уларҙың мәғәнәһен белергә тейеш­легебеҙҙе, тағы ла тырышыбыраҡ уҡыу кәрәклеген аңланыҡ.
Ғөмүмән, беҙҙең факультет студенттары университет эсендә генә түгел, киңерәк даирәлә уҙғарылған сараларҙа ла әүҙем ҡатнаша. Мә­ҫәлән, Мәскәү ҡалаһында ойошторолған төрөк теле буйынса Бөтә Рәсәй олим­пиа­даһында Р. Тимершәйехова II урынды алды. Шулай уҡ Ф. Исхаҡова, И. Билалова, В. Чер­нев, И. Напольских, Э. Мортазина, Алтайҙа ил студенттары араһында үткәрелгән олимпиадала ҡат­нашып, тәү­ге баҫҡысты яуланы. Ошондай юғары ҡаҙаныштарыбыҙ өсөн туған факульте­тыбыҙҙың етәкселегенә, уҡытыусы­ларыбыҙға ҙур рәхмәт!