– Иң мөһиме — балалар шатландырһын, ә матди мәсьәләләр тиҙерәк хәл ителһен ине. Һеҙҙең кеүек уңған ҡатын-ҡыҙ үҙ ауылында, ҡалаһында барыһына ла өлгө булырға тейеш. Шул саҡта татыу ғаиләләр артыр, етемдәр кәмер, балалар йорттарына мохтажлыҡ ҡалмаѕ ине, – тине вице-премьер.
Тантана был юлы айырыуса йылы шарттарҙа үтте. Бер нисә әсә үҙҙәре ижад иткән шиғырын уҡып ишеттерҙе. Улар, әлбиттә, әсәлек бәхетенә, ғәзиз балаларға бағышланғайны. Сығыштарҙы барыһы ла тулҡынланып тыңланы, ә вице-премьер матур тәҡдим әйтте.
– Беҙҙең ҡатын-ҡыҙ бала үѕтереп һәм төрлө урында эшләп кенә ҡалмай, ижад итергә лә ваҡыт таба. Әйҙәгеҙ, күп балалы әсәләрҙең шиғырҙарын йыйынтыҡ итеп нәшерләйек, – тине ул.
Ҡатындар, әлбиттә, шатланып ризалашты, күптәрҙең йөҙөндә ижади ҡомар сатҡылары балҡыны. Әйткәндәй, бүләкләнеүселәр республиканың төрлө төбәгенән килгән. Туймазы, Ишембай, Иглин, Ҡырмыѕҡалы райондарынан, Стәрлетамаҡ ҡалаһынан вәкилдәр байтаҡ булды. Әсәләр етәкселеккә рәхмәт әйтте, бер-береһен ҡотланы. Ә Стәрлетамаҡтан килгән Сәйҙә Мирзаева иренә һәм уның йөҙөндә барлыҡ ир-атҡа рәхмәтен әйтте.
– Әгәр яныбыҙҙа аңлап, һәр саҡ ярҙам итеп, ғаиләһен ҡарап торған ирҙәребеҙ булмаһа, был тиклем бала тәрбиәләп тә булмаѕ ине. Шуға күрә уларҙы ла онотмайыҡ, атайҙар ҙа миҙалға лайыҡ, – тине ул. – Мин уҡытыусы инем, тик кейәүгә сығып декрет ялына туҡтағас педагогик эшмәкәрлегем онотолдо. Балаларымда “иренем” тип әйтә алам һәм ошоноң менән бик бәхетлемен.
Ишембай ҡалаһынан Гөлназ Абыҙгилдина ла иғтибарҙы йәлеп итте. Ипле, нәзәкәтле генә ханым яуаплы урында эшләй – суд белгесе. Ире Зиннур менән Сабир, Ләйсән, Азамат, Самат, Алмас исемле балаларға ғүмер бүләк иткәндәр. Ире – юрист.
– Шатлығыбыҙ менән уртаҡлашҡым килә, былтыр дәүләт беҙгә торлаҡҡа сертификат бирҙе. Беҙҙең хәҙер Ишембайҙа биш бүлмәле, ике ҡатлы иркен, матур йортобоҙ бар. Әле балалар менән бергәләп ремонт яһайбыҙ, оҙаҡламай инербеҙ тип торабыҙ. Етәкселек күп балалы ғаиләләрҙе иғтибарһыҙ ҡалдырмай, шөкөр, шатланып, дәртләнеп йәшәйбеҙ, – тине ул.