Бындай сара баш ҡалабыҙҙа йыл да уҙғарыла һәм яңынан-яңы исемдәр өҫтәлеп, эшлекле ханымдар арта бара. Өфөнөкөләр айырыуса һоҡландыра — маҡсаттарына ынтылыштары көслө, таһыллыҡтары хайран ҡалмалы.
Венера Миңлебаева — шуларҙың береһе. Тәү күреүҙән үк һылыулығы, яҡшылыҡҡа ынтылышы, йылы мөнәсәбәте менән әсир итә. Тап тормош эсендәҡайнап йәшәүе, ныҡышмаллығы Венера Ғәлибай ҡыҙының эшлеклеләр сафында булыуына булышлыҡ иткән дә инде.
Сипайлово биҫтәһендәге "Гротес" магазинынан халыҡөҙөлмәй. Сифатлы аҙыҡ-түлек һәр кемде йәлеп итә. Бында юлланыусыларҙың күплегенә коллективтың берҙәмлеге лә йоғонто яһай.
Венера Миңлебаева эшен 1996 йылда бәләкәй генә киоскта башлаһа, бөгөн уныңҡарамағында — иркен һәм заманса сауҙа комплексы. Магазинда һөнәренең нескәлектәрен яҡшы үҙләштергән яҡты йөҙлө хеҙмәткәрҙәр эшләй. Һәр тауар үҙ урынында, зал зауыҡ менән йыһазландырылған.
Ике бала әсәһенә эшлекле ҡатын-ҡыҙ булырға, байтаҡ сараларҙа әүҙем ҡатнашырға ниндәй сифаттары ярҙам итәһуң? Шул уҡ ваҡытта ғаиләһендә лә йылы мөхит тыуҙырырға өлгөрә. Венера Ғәлибай ҡыҙы уңыштарының серен йәшермәй ихлас уртаҡлашты.
— Тормошто яратырға һәм ҡурҡмайынса алға барырға, уй-маҡсатым ысынбарлыҡҡа ашмаҫтай тойолһа ла, туҡталып ҡалмаҫҡа тырышам. Йәшәгән һәр көнөңдән риза булырға, ҡәнәғәтлек кисерергәөйрәнергә кәрәк, тип иҫәпләйем. Үҙеңде яратыу һәм өлөшөңә төшкән мәшәҡәттәрҙе еңел күреп ҡабул итеү мөһим. Һаулығың менән бергә рухи байлығыңды ла ҡайғыртырға онотмау хәйерле. Сәйәхәт итергәһәм заманса ҡаҙаныштар менән танышып барырға тырышам. Һәм, әлбиттә, кешеләрҙе яратам, изгелек ҡылырға ынтылам, сөнки ул үҙеңә игелек булып әйләнеп ҡайта, — ти ул.
Бына шунда ла инде Венера Миңлебаева менән бер туған апаһы, "Сәләмәтлек шишмәһе" профилакторийының генераль директоры Римма Еникееваның уңыш сере. Баш ҡалала гөрләп уҙған сараларҙың күбеһе уларҙыңҡатнашлығында үтә. Мәҫәлән, Еңеү көнө, йәштәр байрамдары, спорт саралары.
— Булдыра алаһың икән, хәйриә менән шөғөлләнеү генә аҙәле ул. Апайым менән өлкәндәр өсөн профилакторий, йәш ғаиләләр өсөн йорттарына яҡын ғына итеп мини-бассейн асырға хыялландыҡ. Хатта булдыра алмаҫбыҙ кеүек тә ине. Проекттарҙыңғәмәлгә ашыуына өс йыл элек Эшҡыуар ҡатын-ҡыҙҙар ассоциацияһы ғына ышанды һәм хупланы. Шөкөр, маҡсатыбыҙға өлгәштек, бер проектты теүәлләнек, хәҙер икенсеһе көтә. Статистика күрһәтеүенсә, бассейндар һаны буйынса Рәсәйҙәһуңғы урындабыҙ. Беҙ ихаталарҙа, йәғни йорттарҙан әллә ни алыҫ урынлашмаған ерҙә, түләүһеҙ бәләкәй бассейндар булдырмаҡсыбыҙ, — ти Венера Миңлебаева.
Төйәгебеҙ ифрат матур һәм бай. Урал тауы ғына ни тора! Ҡатын-ҡыҙҙарыбыҙҙа береһенән-береһе эшлеклерәк һәм әүҙемерәк. Улар араһында "Гротес" йәмғиәте директоры Венера Миңлебаева ла лайыҡлы урын биләй. Һөнәри оҫталыҡты, эшҡыуарлыҡ серҙәрен төплөөйрәнеүе һәм кешеләргә яҡшы мөнәсәбәте уны уңышҡа әйҙәй ҙә инде.