Малайҙар өсөн

Рәсих ғәр. — ныҡлы
Рәсүл ғәр. — илсе, хәбәр килтереүсе; пәйғәмбәр
Рәүф // Рәүеф ғәр. — изгелекле, мәрхәмәтле, йомшаҡ күңелле
Рәфил неол., ғәр. — ҡупшы
Рәфис неол., ғәр. — билдәле, күренекле
Рәфҡәт ғәр. — юғары олғашыу, күтәрелеү; бөйөклөк
Рәхим ғәр. — рәхимле, мәрхәмәтле
Рәхимбай ғәр., баш. — рәхим+бай
Рәхимғол ғәр., баш. — рәхим+ҡол; рәхимле бала
Рәхимйән ғәр., фарс. — рәхим+йән; рәхимле бала
Рәхмәт ғәр. — 1. шәфҡәт, мәрхәмәт, аяу; 2. яҡшылыҡҡа яуап итеп әйтелә торған "рәхмәт" һүҙе
Рәхмәтулла ғәр. — рәхмәт+Аллаһ; Аллаһтың рәхмәте
Рәшит ғәр. — тура юлдан барыусы; батыр, ҡыйыу
Сабан баш. — "һабан" һүҙенән
Сабанай баш. — "һабан" һүҙенән, һабан ваҡытында тыуған
Сабир ғәр. — сабыр, түҙемле
Сабирйән // Сабирьян ғәр., фарс. — сабыр+йән; түҙемле, сабыр
Сабит ғәр. — һүҙендә ныҡ тороусы; даими
Сабур ғәр. — сабыр, түҙемле
Сағман — мәғәнәһе билдәһеҙ; бәлки, ғәрәпсә "сағ" — бәхетле, йомарт+ "ман" — кеше
Сағынбай баш. — 1. болан төрө атамаһынан; 2. "һағыныу" һүҙенән; һағынып, көтөп алынған бала
Садиҡ ғәр. — тоғро, ихлас күңелле, эскерһеҙ; дуҫ
Садретдин // Саҙретдин ғәр. — дин башлығы
Садри // Саҙри ғәр. — башлыҡ
Садрислам // Саҙрислам ғәр. — Ислам башлығы
Сайран ғәр. — күңел асыу, тәбиғәт ҡосағындағы байрам
Салауат — 1. баш. — башҡорт халҡының милли батыры Салауат Юлаевтың исеменән; 2. ғәр. — маҡтаулы доғалар, намаҙҙар
Салах ғәр. — тыныслыҡ; изгелек
Салих ғәр. — яҡшылыҡ, изгелек ҡылыусы; рәхимле, тәүфиҡлы
Сәлихйән ғәр., фарс. — яҡшылыҡ, изгелек ҡылыусы
Самарбай ғәр., баш. — һамар+бай (Һаҡмар йылғаһының атамаһынан булыуы ихтимал)
Самат ғәр. — мәңгелек, мәңге йәшәй торған; башлыҡ
Самиғулла ғәр. — самиҡ+улла; тыңлаусы
Самиҡ ғәр. — тыңлаулы
Сани фарс. — оҡшаш, оҡшаған; ғаиләлә икенсе бала
Санияр фарс. — оҡшаған, оҡшаш; ғаиләлә икенсе бала
Санъяп — мәғәнәһе билдәһеҙ (ауыл исемендә һаҡланған)
Санъяр баш. — 1. ҡәлғә, нығытма; 2. үҙәккә үткес, үткер
Санъяр баш. — батша, император
Сарбай баш. — һары+бай (боронғо төрки телендә һары, сары "аҡ йөҙлө" тигән мәғәнәлә лә ҡулланылған)
Саръян фарс. — танылған, билдәле кеше
Сатай монг. — һөйөклө, яҡын туған

Ҡыҙҙар өсөн

Рәйфә неол., ғәр. — ҡыҙғаныусан, мәрхәмәтле; билдәле, күренекле
Рәҡибә ғәр. — теләк, хыял
Рәҡиә ғәр. — алдан барыусы
Рәмзилә ғәр. — билдә, тамға; үрнәк
Рәмзиә ғәр. — ҡара: Рәмзилә
Рәмилә неол., ғәр. — тылсымлы
Рәмиә неол., ғәр. — атыусы, уҡсы
Рәсилә неол., ғәр. — илсе
Рәсимә ғәр. — рәсем төшөрөүсе, биҙәүсе
Рәүилә неол., ғәр. — яҙғы ҡояш; сәйәхәтсе
Рәүиә неол., ғәр. — риүәйәт һөйләүсе, хикәйәт ҡылыусы
Рәүфә неол., ғәр. — шәфҡәтле, мәрхәмәтле
Рәфисә неол., ғәр. — күренекле
Рәхилә йәһ., ғәр. — кәләш (был исем урыҫ, инглиз, немец, француз һәм башҡа халыҡтарҙа киң таралған)
Рәхимә ғәр. — рәхимле, мәрхәмәтле
Рәшиҙә ғәр. — дөрөҫ, тура юлдан барыусы; батыр, ҡыйыу
Сабира ғәр. — сабыр, түҙемле
Саҙиҡа ғәр. — тоғро, ихлас күңелле, эскерһеҙ
Сажиҙә // Сажида ғәр. — доға ҡылыусы; баш эйеүсе; баш эйеү
Саима // Сайма ғәр. — ураҙа тотоусы
Саира неол., ғәр. — сәйәхәтсе, юлсы
Салиха ғәр. — изгелек ҡылыусы, рәхимле, тәүфиҡлы
Сания ғәр. — икенсе бала
Сара фарс. — иң шәп, иң яҡшы, аҫыл
Сара ғәр. — хакимә, бикә
Сара йәһ. — ырыу башлығы, ырыу инәһе
Сатиға ғәр. — күҙҙең яуын алып торған
Сатира ғәр. — ғәфү итеүсе, ярлыҡаусы
Сатура ғәр. — бер юллыҡ шиғыр; ғәфү итеүсе, ярлыҡаусы
Сафия ғәр. — саф, эскерһеҙ
Сафура ғәр. — кешенең күңелен, холҡон төҙәтеүсе; фәрештә
Сибәр баш. — матур, сибәр
Сиҙыҡа ғәр. — тура һүҙле, ғәҙел
Сөйөмбикә баш. — һөйөклө, һөймәлекле ҡыҙ
Сөйәрбикә баш. — һөйәр+бикә; һөйкөмлө
Сөмбөл ғәр. — 1. август айының исеме; 2. гөл исеме; башаҡ, иген башаҡтары
Сорур ғәр. — шатлыҡ, һөйөнөс, ҡыуаныс
Солтанбикә ғәр., баш. — солтан+бикә
Солтания ғәр. — башлыҡ, хакимә
Сулпан баш. — таң йондоҙо
Сурия ғәр. — Етегән йондоҙ
Суфия ғәр. — суфый, тыйнаҡ, изге
Сыуаҡбикә баш. — сыуаҡ+бикә; сыуаҡ көндә тыуған
Сәбилә ғәр. — оло юл; сәйәхәтсе
Сәғдиә // Сәғҙиә ғәр. — бәхетле
Сәғиҙә ғәр. — бәхетле; мул тормошло
Сәғирә ғәр. — бәләкәй генә; ғазап уты; ялҡын
Сәғәҙәтбикә ғәр., баш. — сәғәҙәт+бикә; бәхетле ҡыҙ
Сәйҙә // Сәйдә ғәр. — түрә, башлыҡ

(Дауамы бар).

* баш. — башҡорт һүҙе, фарс. — фарсы һүҙе, бор. — боронғо, ғәр. — ғәрәп һүҙе, неол. — неологизм (яңы үҙләштерелгән), монг. — монгол һүҙе, лат. — латин һүҙе.

"Башҡорт исемдәре" (авторҙары — Т.Х. Кусимова һәм С.Ә. Бикҡолова) китабынан алынды.