Горизонталь буйынса:
2. Океан гиганты. 4. Доға яҙып, күн менән өскөлләп көпләп, ауырыу, зәхмәттән муйынға йәки кейемгә тағып йөрөй торған нәмә. 7. Замана мотороллеры. 9. Республика үҫмерҙәре журналы. 11. Ем ҡуйып балыҡ тота торған ҡорал. 14. Ҡытай “мәсете”. 15. Һағыҙ бирә торған ағас. 16. Хоккейсының эш ҡоралы. 18. Эшкә, ижадҡа көс, дәрт уятҡан күтәренке рух. 20. Бөркөт, ҡарсыға һымаҡ ҡоштарҙың иң ныҡ, көслө балаһы. 21. Мөхәббәт. 23. Кәзә ҡымыҙы. 24. Шаман. 26. Ҡатын-ҡыҙҙың ҡул биҙәүесе. 29. Сәйнүктең “ағаһы”. 31. Карнавал ваҡытында кеше өҫтөнә ырғытыла торған тар ҡағыҙ таҫма. 32. Ниҙелер булдырырға, эшләргә тигән күңел ынтылышы. 33. Аҡ сәскә атып, ваҡ ҡына әсе ҡыҙыл емеш бирә торған ағас. 34. Ҡыш сәскә ата торған бүлмә гөлө. 36. Бронза быуаттың археологик культураһы.

Вертикаль буйынса:
1. Кеше башының алғы яғы, йөҙ. 2. Себер ҡарағайы. 3. Хикәйәләү, һүрәтләү, тикшереү өсөн билдәләнгән мәсьәлә. 5. Малға бесән һала торған урын. 6. Күпереп торған ап-аҡ икмәк. 8. “Маңҡалы” йорт ҡошо. 10. Риф утрауы. 12. Табаҡлы йоҡа тимер. 13. Йүкә аяҡ кейеме. 14. Берәй тантана уңайы менән ғәскәрҙең марш менән үтеүе. 17. Ата ҡоштоң төҫө аҡ буҙ, ҡанат остары ҡара булған йыртҡыс ҡош. 19. Ҡышҡы каток. 22. Кире ҡайтарыу шарты менән бирелгән нәмә. 23. Намаҙға саҡырыу доғаһы. 24. Ике тимер дуға һәм сирткенән торған йәнлек аулау ҡоралы. 25. Мәсеттең шпиле. 27. “Аттың яҡшыһы алға сыға, (…)тең яҡшыһы данға сыға”. 28. Януар. 29. Ябай кизе-мамыҡ туҡыма. 30. Яңы йыл “йондоҙлоғо”. 35. Талаш, һуғышлы ғауға.

Илдар ҒӘБИТОВ төҙөнө.