Хөрмәтле Хәсән Барлыбай улы Мәжитов!
Һеҙҙе 90 йәшлек данлы юбилейығыҙ менән ихлас күңелдән ҡотлайбыҙ!
Бөтә тормошоғоҙҙо мәғарифҡа арнап, Һеҙ уҡытыусылар, ата-әсәләр, йәмәғәтселек, район һәм республика етәкселәре алдында ҙур абруй ҡаҙандығыҙ. Бөйөк Ватан һуғышы яугире, уҡытыусы, балалар йорто һәм мәктәп директоры, күп йылдар Күгәрсен районы мәғариф бүлеге мөдире булып эшләп, мәғарифты үҫтереүгә тос өлөш индерҙегеҙ. Һеҙ ғаилә бәхетенә төрөнөп йәшәнегеҙ, ҡатынығыҙ Әлфиә Бәҙретдин ҡыҙы менән ете бала тәрбиәләп оло тормош юлына сығарҙығыҙ. Әле тиҫтәләгән ейән-ейәнсәрҙәрегеҙ килеп Һеҙгә йәшәү өсөн илһам өҫтәп тора.
Һеҙ — бай рухлы шәхес, оло йөрәкле педагог, йәш быуынға өлгө булып тораһығыҙ.
Ныҡлы һаулыҡ, аҡ бәхет һәр саҡ юлдаш булһын!

Һиңә ҡарайбыҙ ҙа һоҡланабыҙ,
Йәшлек нуры балҡый йөҙөңдә.
90 йәште матур билдәләгәс,
Күрешергә яҙһын йөҙөндә!

Иң изге теләктәр менән Сабир Йыһаншин, Ғәлиә Мөхәмәтйәнова, Михаил Бирюков, Роберт Арыҫланов, Миңдебай Юлмөхәмәтов, Рәмил Мәжитов, Сәлимйән Ғүмәров, Әхмәҙей Ибраһимов, Салауат Кәримов, Юнир Кәримов.

• • •
Ошо көндәрҙә Бөрйән районының Иҫке Собханғол ауылында йәшәүсе ҡәҙерле кешебеҙ Мөхәмәтова Фәйрүзә Әбүзәр ҡыҙының 50 йәшлек күркәм юбилейы.
Уға ныҡлы сәләмәтлек, бәхет-шатлыҡ, тормош иптәше Флүр менән ҡулға-ҡул тотоноп, тигеҙ ғүмер итеүен теләйбеҙ.
Бәхетленең ҡунағы бергә, ти халыҡ әйтеме. Һөйөклө улығыҙ Салауатҡа, хәрби хеҙмәтен имен-аман тултырып, юбилей тантанаһына иҫән-һау ҡайтып етергә насип булһын!

50 йәшең ҡотло булһын һинең,
50 йәшең — оло юбилей.
Яҡындарҙың яҡты йөҙҙәренән
Йылы нурға тулған оло өй.
Ҡасан күрмә — йөҙөң балҡып тора,
Ҡасан килмә — асыҡ ишегең.
Тәбиғәтең менән изгелексән,
Мәрхәмәтле, алсаҡ кешеһең.

Иң изге теләктәр менән Хәмитовтар, Кәримовтар һәм Нәғимовтарҙың ғаиләләре.