Һайлау буйынса иң популяр фән – профилле математика.
Башҡортостанда 2026 йылда Берҙәм дәүләт имтиханына ғаризалар ҡабул итеү тамамланды. Имтихандарҙа 17 мең самаһы сығарылыш уҡыусыһы ҡатнаша, тип хәбәр иттеләр «Башинформ»ға республиканың Мәғариф министрлығынан. Ил буйынса алғанда, һынау тотоусыларҙың һаны 750 меңгә яҡынлашып килә.
Хәбәр иткәнебеҙсә, уҡыусылар өсөн өс имтихан тапшырыу осоро билдәләнде. БДИ-ны ваҡытынан алда биреү этабы – 20 марттан 20 апрелгә, төп этап – 1 июндән 7 июлгә тиклем. Ҡабаттан тапшырыу өсөн 4 сентябрҙән 25-нә тиклем өҫтәмә осор ҡаралған.
Республика йәштәре араһында профилле математика (яҡынса 62%) һәм йәмғиәтте өйрәнеү фәне популяр. Шулай ҙу уларҙың күбеһе информатика, физика, биология һәм химия менән ҡыҙыҡһына.