Башҡортостанда Хәким Ғиләжев исемендәге мәктәптә капиталь ремонт эштәрен тамамлау ваҡыты билдәле булды
Бүздәк районының Ҡаңны-Төркәй ауылындағы Хәким Ғиләжев исемендәге мәктәптә капиталь ремонтты 15 авгусҡа тамамлау планлаштырыла. Муниципалитет башлығы Илнур Игдиев Республикаға идара итеү үҙәгендә биргән интервьюһында ошо турала белдерҙе.
Уның мәғлүмәттәре буйынса, яңыртыу эштәре 80% башҡарылған. Хәҙер подрядсы белем биреү учреждениеһын төҙөкләндерә. Шулай уҡ уҡыу йыһаздары килтерелә.
«Мәктәп Белем көнөндә үҙ ишектәрен аса», — тип билдәләне Игдиев.
Хәбәр иткәнебеҙсә, 2025 йылда Өфөлә тағы ла 16 мәктәптә һәм балалар баҡсаһында капиталь ремонт башлана.