Башланғыс кластар өсөн аҙнаһына уҡыу сәғәттәре нормаһы билдәләнде
Башланғыс класс уҡыусылары аҙнаһына 26 сәғәт кенә уҡырға тейеш, тиелә Рәсәйҙең мәғариф министрлығы документында.
Рәсәйҙең мәғариф министрлығы 1-4-се класс уҡыусыларының аҙнаһына нисә сәғәт уҡырға тейешлеген билдәләне.
2025 йылдың 1 сентябренән беренсе класта йөкләнеш күләме аҙнаһына 20-21 сәғәт, икенсе-дүртенсе кластарҙа 23-26 сәғәт тәшкил итәсәк. Яңы нормалар тураһында РИА Новости хәбәр итә.
Документҡа ярашлы, дүрт уҡыу йылында 5 көнлөк йәки 6 көнлөк уҡыу аҙнаһында дәрестәр һаны 2966 сәғәттән кәм һәм 3305 сәғәттән артыҡ була алмай.
Хәбәр иткәнебеҙсә, Башҡортостан мәктәптәрендә рухи-әхлаҡи мәҙәниәтте өйрәнә башлайҙар.