Ғафури районы муниципаль район хакимиәте башлығы Фәнзил Сыңғыҙов – “Башҡортостан” гәзитенең дуҫы. Халҡыбыҙҙың төп милли баҫмаһы менән оҙаҡ йылдар әүҙем хеҙмәттәшлек иткәне өсөн уға ошо көндәрҙә гәзиттең Рәхмәт хаты тапшырылды. – Эш нисек кенә тығыҙ булмаһын, гәзит ҡарарға һәм уҡырға ваҡыт табырға мөмкин, – ти Фәнзил Фәйез улы. – Һәр саҡ фәһемле фекерҙәргә, тәҡдимдәргә юлығаһың. Шуға күрә һеҙ – беҙгә, беҙ һеҙгә кәрәк.