Бөгөн Өфөнөң Үҙәк баҙары эргәһендә янғын сыҡҡан.Цюрупа урамы, 106 адресы буйынса урынлашҡан йортҡа ут һүндереүселәр тиҙ арала килеп еткән. Ҡара төтөн эргә-тирәгә таралып өлгөргән булған. Асыҡланыуынса, дүртенсе ҡатта ике бүлмәле фатир янған.
Янғынға ҡаршы федераль хеҙмәттең 22-се отрядынан хәбәр итеүҙәренсә, күрше фатирҙарҙан биш кеше эвакуацияланған. Ҡазаланғандар юҡ, ут сығыу сәбәптәре асыҡлана.