Башҡортостан Башлығы вазифаһын ваҡытлыса башҡарыусы Радий Хәбиров Туған телдәр көнөнә арналған флешмобты башлап ебәрҙе. Төбәк етәксеһе теләгән һәр кемгә башҡорт телендә яратҡан дүрт юллыҡ шиғырын һөйләп, социаль селтәрҙәргә #Туғантел һәм #Роднойязык хэштегтары менән һалырға тәҡдим итә.“Мине лә үҙ флешмобымды башлап ебәреү уйына ышандырҙылар. Бының өсөн һәйбәт һәм файҙалы сәбәп тә бар. Бөгөн – ЮНЕСКО тарафынан иғлан ителгән Халыҡ-ара туған тел көнө. Туған телдәрҙең рухи донъябыҙҙы байытҡан әйбер булыуына ныҡлы инанам”, – тип яҙҙы ул социаль селтәрҙәрҙә.
Радий Фәрит улы Рәми Ғариповтың “Туған тел” тигән шиғырын уҡыны һәм бөтәһен дә флешмобҡа ҡушылырға саҡырҙы.