Әбйәлил районындағы “Яҡтыкүл” шифаханаһында район йәштәренең беренсе “Ынтылыш” белем форумы уҙҙы.

Йыйында ҡатнашыусыларҙы район хакимиәте башлығы Илдар Нафиҡов сәләмләне һәм төбәктең проблемалары, ҡаҙаныштары тураһында һөйләне.

Медицина фәндәре докторы, сәйәсмән һәм йәмәғәт эшмәкәре Сәлиә Мырҙабаева ла, үҙ тәжрибәһенән сығып, йәштәргә байтаҡ аҡыллы кәңәштәр бирҙе. Йәштәр ҙә күп йөкмәткеле тәҡдимдәр менән сығыш яһаны.