Ауыл хужалығы консультацияһы үҙәгенән хәбәр итеүҙәренсә, 10 авгусҡа республикала йыйылған иген 385 мең тоннаға еткән.

Иген һәм ҡуҙаҡлы культураларҙың 178 мең гектары йыйып алынған, был дөйөм күләмдең 10 процентын тәшкил итә. Ужым культуралары майҙанының 41 проценты алынған. Райондарҙа борсаҡ, арпа һәм һоло саба башланылар. Һауа шарттарының боҙолоуы арҡаһында урып йыйыу эштәре бер аҙға тотҡарланды.