Республика Башлығы Рөстәм Хәмитовтың бойороғо буйынса 4 августа Красноярск крайының төньяҡ-көнбайышында вертолет һәләкәтендә һәләк булған яҡташтарыбыҙҙың ғаиләләренә 1-әр миллион һумлыҡ матди ярҙам күрһәтелә.

Төбәк етәксеһе шулай уҡ Башҡортостан Хөкүмәтенә һәләк булғандарҙың ғаиләләренә психологик, медицина һәм социаль ярҙам күрһәтеү бурысын йөкмәткәйне. Бынан тыш, улар страховка компанияһынан, эш биреүсенән һәм авиакомпаниянан компенсация аласаҡ.