Ошо көндәрҙә Башҡортостан буйынса Федераль инспектор Николай Разбежкин һәм федераль башҡарма власть органдарының республикалағы территориаль органдары вәкилдәре ҡатнашлығында Башҡортостан Үҙәк һайлау комиссияһы ҡарамағындағы Контроль-ревизия хеҙмәтенең киңәйтелгән ултырышы булды.

Республика Үҙәк һайлау ко­мис­сияһы рәйесе урынбаҫары, Контроль-ревизия хеҙмәте етәк­сеһе Марат Ғәҙелов Башҡорт­остан Республикаһы алтынсы саҡырылыш Дәүләт Йыйылышы — Ҡоролтай депутаттарын һай­лауға әҙерлек һәм уны үткәреү барышы, һайлау кампанияһы осоронда Контроль-ревизия хеҙмәте алдында торған бурыс­тар тураһында һөйләне. Контроль-ревизия хеҙмәте ағзалары тарафынан депутатлыҡҡа кан­дидаттарҙың мәғлүмәттәрен тикшергәндә тейешле дәүләт органдары менән эште һәм йылдам бәйләнеште ойоштороу өсөн эш төркөмдәре төҙөлдө һәм раҫланды. Был турала Үҙәк һайлау комиссияһы һәм контроль-ревизия хеҙмәте ағзаһы Рөстәм Бикмәтов сығыш яһаны.

Мәғлүмәттәр БР Үҙәк һайлау комиссияһының рәсми сайтынан алынды.