Хөкүмәт йортонда Бюджет инвестициялары буйынса эксперт советының ултырышы булды. Сара республика Хөкүмәте Премьер-министры Рөстәм Мәрҙәновтың рәйеслегендә үтте.

Совет ағзалары авария хәлендәге бер нисә мәғариф объекты буйынса проект-тикшереү эшенә быйыл ҡаҙнанан аҡса бүлеүҙе хупланы. Ундайҙарға Асҡын районындағы Ҡубыяҙ һәм Дыуан районындағы Озеро ауылдарындағы мәктәптәр инә.
Ултырышта шулай уҡ инженерлыҡ инфраструкту­раһы объекттарын төҙөүгә адреслы республика инвестиция программаһы аҡсаһын бүлеү мәсьәләһе ҡа­рал­ды. Атап әйткәндә, Мәсетле районының Оло Ыҡтамаҡ ауылындағы “Көнсығыш” биҫтәһен газ һәм һыу менән тәьмин итеү хаҡында һүҙ бара. Бюджеттан инвестицияның дөйөм күләме 29 миллион һум самаһы тәшкил итә.