Табын ырыуы йәштәренең тәүге йыйыны былтыр Архангел районында – йәмле Инйәр буйында ойошторолғайны. Киләһе байрамды үткәреү хоҡуғын раҫлаған күсмә вымпелды Ҡырмыҫҡалы районы делегацияһы ҡабул итеп алғайны. 23 июндә II “Табынфест” ошо райондың Бишауыл-Уңғар ауылы янындағы Ташлыкүл буйында уҙасаҡ. Байрамда ҡатнашыусыларҙы бай программа – төрлө темалар буйынса белем майҙансыҡтары, оҫталыҡ дәрестәре, “Табын” китабы менән таныштырыу, спорт ярыштары, “Табын батыры”, “Табын һылыуҡайы” конкурстары, концерт һәм этнобейеү-дискотека көтә.
Йәштәр йыйынында ун райондан Силәбе, Ырымбур, Һамар һәм Ҡурған өлкәләренән Табын ырыуы йәштәренең ҡатнашыуы көтөлә. Байрамға тамаша ҡылырға һәр кем килә ала.
