Быйыл сентябрҙә төбәк халҡы Башҡортостан Республикаһы Дәүләт Йыйылышы – Ҡоролтайға депутаттар һайлаясаҡ. Республика парламентына 110 депутаттың яртыһы – бер мандатлы округ, ҡалған 55-е берҙәм һайлау округы буйынса һайланасаҡ.

Ошо сара алдынан төбәктә “Берҙәм Рәсәй” партияһы ойошторған алдан һайлау сараһы – праймериз 3 июндә ойошторола. Иртәнге сәғәт 8-ҙән киске 8-гә тиклем 662 иҫәпләү участкаһы эшләйәсәк. Сарала ҡатнашырға теләгәндәр участкаларҙың ҡайҙа урынлашыуы хаҡында тулы мәғлүмәтте праймериз сайтынан белә ала.
Партияның төбәк бүлексәһенән белдереүҙә­ренсә, праймеризда 584 кандидат ҡатнашасаҡ, ҡалғандары иһә йә дебатты үтмәгән, йә хөкөм ителмәгән булыуҙары хаҡында мәғлүмәт алып килмәгән өсөн исемлектән төшөп ҡалған.
Әйткәндәй, был сарала ҡатнашҡандарҙың өстән бер өлөшөн – 35 йәшкә тиклемге йәштәр, 60,5 процентын – партия ағзалары, 16,7 процентын – уларҙың фекерҙәштәре, 22,8 процентын бер партияға ла ҡарамаған граждандар тәшкил итә.
“Берҙәм Рәсәй” партияһы алдан һайлау уҙ­ға­рып, Дәүләт Йыйылышы – Ҡоролтайға де­путатлыҡҡа кандидаттарҙы һайлау маҡсатын ҡуя.