Ошо көндәрҙә Башҡортостандағы эҙәрмән отрядтарының Калининград өлкәһенә яҙғы экспедицияһы тамамланды. Апрель-май айҙарында ғына эҙәрмәндәр Рәсәйҙең алты төбәгенә туғыҙ экспедиция ойошторҙо.

Рәсәй эҙәрмәндәр хәрәкәтенең Баш­ҡортостандағы төбәк бүлексәһе етәксеһе Владимир Волков әйтеүенсә, иң ҙур сара 20 апрелдән 10 майға тиклем Ленинград өлкәһенең Киров районында уҙғарылған. Унда Башҡортостандағы 14 отрядтан һәм Силәбе өлкәһендәге бер отрядтан 112 эҙәрмән ҡатнашҡан. Уҡыусылар һәм студенттар 17 ҡыҙылармеецтың, ике немец һалдатының һөлдәһен тапты.