Быйыл республикалағы 13 ҡала округында урындағы башланғыстарға нигеҙләнгән ихата биләмәләрен төҙөкләндереү проекттары тормошҡа ашырыла.

Башҡортостан Хөкүмәте Президиумы ултырышында ошо туралағы ҡарар проекты хупланды. Республиканың тор­лаҡ-коммуналь хужалыҡ министры Сергей Афонин бел­де­реүенсә, былтыр Өфөлә урындағы башланғыстар буйынса күп фатирлы йорттар­ҙың ихаталарын төҙөклән­де­реүгә йүнәлтелгән тәжрибә проекты ғәмәлгә ашырылғайны. Халыҡтың әүҙемлеген, про­грам­маға булған ҡыҙыҡһыныу­ҙы иҫәпкә алып, ошо ысулды киңәйтергә ҡарар ителде. Проектты урындағы бюджеттан, республика ҡаҙнаһынан финанслау, шулай уҡ халыҡтан йыйылған аҡса иҫәбенә ғәмәлгә ашырыу күҙаллана.
Биләмә хакимиәттәренә ихаталарҙы төҙөкләндереү проекттарын конкурс нигеҙендә һайлап алыу тәртибен төҙөргә һәм раҫларға тәҡдим ителде. Конкурсты 1 апрелгә тиклем үткәрергә, унан һуң проекттар исемлеген үҙ эсенә алған муниципаль программаларҙы раҫларға кәрәк.