Билдәле булыуынса, Рәсәй Президенты Владимир Путиндың указы менән быйыл Ирекмән йылы иғлан ителде. Ошо уңайҙан илебеҙҙең төрлө ҡалаларында мәҙәни саралар уҙғарыла.

Өфөнөң Спорт һарайы алдын­дағы майҙансыҡта ла Ирекмән йылына бағышланған концерт үтте. Көндөң бер аҙ болоҡһоп тороуы ла был йәмле байрам сараһына ҡама­сауламаны. Уны ойоштороусылар – Тимур Ғәҙелшин етәкләгән ирек­мәндәр төркөмө вәкилдәре әйтеүен­сә, үҙ теләктәре менән һәр яҡтан ярҙам ҡулы һуҙырға әҙер йәштәргә һәм ололарға һауа торошо ла теләктәшлек күрһәтте.
Майҙанға йыйылған республика­ның төрлө төбәктәренән мең­ләгән ирекмәнде һәм баш ҡала хал­ҡын Өфө ҡалаһы мэры Ирек Ялалов һәм Дәүләт Йыйылышы – Ҡоролтай Рәйесе Константин Толкачев ҡотла­ны.
Сараға сәхнә йондоҙҙары – “Ар­ғымаҡ”, “Каруанһарай”, “Light Again” төркөмдәре, Zainetdin проекты, Екатерина Ямщикова, Фирүзә Париж йәм һәм рух өҫтәне, уларҙың һәм башҡа сығыш яһаусыларҙың йырлы сәләмдәре тамашасыларҙың көслө алҡыштарына күмелде. Байрам барышында майҙандағы халыҡ ара­һында төрлө бүләктәр уйнатылды.
Ярҙам итеү, ярҙам ҡулы һуҙыу – кешелеклелек сифатының иң тәүге­һе. Теләге булған һәр кем ирекмән рәүешендә ауыр хәлдә ҡалған кеше­ләргә ярҙам ҡулы һуҙа һәм был донъя­ны башҡарған яҡшы эштәре менән йәмләй ала тигән фекерҙе бел­дерҙе был көндә байрамға йыйыл­ған кешеләр.

Р. МӨҘӘРИСОВА.