Башҡортостан студенттары үҙҙәре булған ерҙә тауыш бирә ала. 2018 йылдың 18 мартында Рәсәй Федерацияһы Президентын һайлауҙа ҡатнашасаҡ кешеләрҙең күбеһе – йәштәр. Ҡайһы берәүҙәр башҡа ҡалаларҙа уҡығанға күрә теркәлгән урынында тауыш бирә алмаясаҡ.
Студенттар өсөн махсус анимация ролигы әҙерләнде. Унда инфографика элементтары ҡулланылған заманса клипта һайлау осоронда үҙең булған ерҙә тауыш биреү тәртибе хаҡында һөйләнелә, тип хәбәр иттеләр республика Үҙәк һайлау комиссияһында.
Рәсәй Үҙәк һайлау комиссияһының мәғлүмәт-белешмә үҙәге белгестәре 8-800-707-2018 телефоны буйынса бөтә һорауҙарға яуап бирергә әҙер.