Быйыл Башҡортостандың халыҡ шағиры, РСФСР-ҙың
М. Горький исемендәге дәүләт премияһы лауреаты, шағир, публицист, драматург, мемуарсы Назар Нәжмиҙең тыуыуына 100 йыл тула.

5 февралдә, уның тыуған кө­нөндә, Өфөлә байрам саралары ойошторола. Хөсә­йен Әхмәтов исе­мендәге Башҡорт дәүләт фи­лармо­ния­һы сәхнә­һендә Назар Нәж­мигә арналған хәтер кисәһе үткәрелә. Унда Фи­дан Ғафаров, Нә­зифә Ҡа­ди­рова, Йәмил Әбдел­мәнов, Вәхит Хызыров, Илһам Вә­лиев, Әлим Ҡәйүмов, Баш­ҡортос­тандың Милли халыҡ уйын ҡорал­дары оркестры, М. Ғафу­ри исе­мендәге Баш­ҡорт дәүләт академия драма театры һәм Өфө “Нур” театры актерҙары сығыш яһай. Ки­сәнең режиссеры – Рәсәйҙең һәм Башҡорт­ос­тан­дың халыҡ артисы, С. Юлаев исемендәге дәү­ләт премияһы лауреаты Хөрмә­тулла Үтәшев. Киске сәғәт 7-лә башлана. Инеү бушлай.
З. Биишева исемендәге Баш­ҡортостан “Китап” нәш­риәте, Әх­мәтзәки Вәлиди исе­мендәге Милли китапхана Назар Нәжмиҙең тормошона һәм ижадына ар­нал­ған күргәҙмә ойоштора.
Ошо уҡ көндө “Родина” кинотеатрында “Яныуҙан һәм хистән ҡойолған” фильмы күрһәтелә. Назар Нәж­ми­ҙең тыуыуына 100 йыл тулыуға арналған фильм­дың режиссеры – Әлфиә Арыҫланова, сценарий авторы – Гәүһәр Батталова.