Бөрөлә “Керәшен һыуыҡтары” төбәк-ара эстрада йыры һәм бейеүе фестиваль-конкурсы тамамланды. Гала-концертта төп бүләккә эйә булған өс кеше, шулай уҡ лауреаттар һәм дипломанттар билдәләнде.“Эстрада бейеүе” номинацияһында Бөрө ҡалаһынан “Битлектәр” ансамбле еңеп сыҡты. “Эстрада йыры” номинацияһында иһә Стәрлетамаҡтан Алина Рай юғары наградаға лайыҡ булды. “Эстрада музыкаһы” номинацияһында Бөрөнән “Red Horse” төркөмө алдынғылыҡты бирмәне.
“Керәшен һыуыҡтары” фестиваль-конкурсы 18—20 ғинуарҙа үтте. Быйыл унда республикабыҙҙың 17 районынан һәм 13 ҡалаһынан, Мәскәүҙән, Һамарҙан һәм Пермь крайынан ҡатнаштылар. Уларҙың оҫталығын абруйлы жюри баһаланы. Фестиваль-конкурс нигеҙендә эстрада вокалы буйынса республика семинары булды.