Рәсәй матбуғаты көнө айҡанлы, “Башинформ” агентлығында һөнәри ҡаҙаныштарға өлгәшкән журналистарҙы, матбуғат хеҙмәткәрҙәрен, полиграфистарҙы тәбрикләнеләр.

Сараны асып, Башҡорт­остан­дың Матбуғат һәм киң мәғлүмәт саралары агент­лығы етәксеһе Борис Мелкоедов:
– Республиканың киң мәғ­лү­мәт саралары өсөн үтеп киткән йыл ярайһы уңышлы булды. Тө­бәктең төп телеканалы Баш­ҡорт­остан юлдаш теле­видение­һы мотлаҡ һәм һәр кем ҡарай алырлыҡ юҫыҡҡа күсте, “Биреш­мә!” тип аталған тәүге йәштәр телесериалы барлыҡҡа килде, “Башинформ” агент­лығында бихисап мәғлүмәти продукттар хасил булды (ул хәҙер Волга буйы федераль округында аудиторияны йәлеп итеү буйынса мәғ­лүмәт агентлыҡтары араһын­да беренсе урында тора), – тип белдерҙе.
Сара сиктәрендә республика­ның киң мәғлүмәт са­ралары өлкәһендә хеҙмәт иткән белгес­тәргә Рә­сәйҙең Бәйләнеш һәм киң коммуникациялар министр­лығының, Баш­ҡортостандың Матбуғат һәм киң мәғлүмәт саралары агентлы­ғының, Рәсәй Журналистар союзының, Бөтә донъя башҡорт­тары ҡоролтайы Башҡарма комитетының маҡтау ҡағыҙҙары, рәхмәт хаттары тапшырылды.
Республика конкурстарында еңгән журналистар ҙа билдә­лән­де. “Баш­ҡортостан” гәзите Экология йылын яҡтыртыу һәм сәләмәт тормош рәүе­шен пропагандалау, наркоманияны иҫ­кәр­теү темаһына арналған мә­ҡә­лә­ләр циклы өсөн беренсе, икенсе урындарҙы яуланы, шулай уҡ Бөтә донъя башҡорттары ҡорол­тайы Баш­ҡарма комитеты­ның рәхмәт хаты менән бүләк­ләнде.