Өфөлә төбәк Башлығы Рөстәм Хәмитов Рәсәйҙең прокуратура хеҙмәткәрҙәре көнөнә арналған тантаналы йыйылышта сығыш яһаны. Республика етәксеһе Башҡортостан Прокуратураһы коллективын һөнәри байрам менән ҡотланы һәм хоҡуҡ һаҡлаусыларҙың иғтибарын талап иткән төп эш йүнәлештәрен билдәләне.

– Һеҙгә намыҫлы хеҙмәт, юғары профессионализм, законды, граждан­дар­ҙың хоҡуҡтарын һәм мәнфәғәттәрен яҡ­лауҙа принципиаллек өсөн рәхмәт, – тине Рөстәм Хәмитов. – Енәйәт­се­леккә, иҡтисади һәм социаль өлкәләр­ҙәге хоҡуҡ боҙоуҙарға, коррупция күре­нештәренә ҡаршы көрәштең һөҙөмтә­лелеге, экстремизмға ҡаршы тороуҙың уңышлылығы һәр ҡайһығыҙҙың компе­тентлығына, яуаплылығына бәйле. Көндәлек эшегеҙ менән йәмғиәттә тотороҡлолоҡто, дәүләттең конституцион хоҡуҡтарҙы яҡлау һәләтенә граждандарҙың ышанысын нығытыуға ҙур өлөш индерәһегеҙ.
Республика Башлығы енәйәтселеккә һәм коррупцияға ҡаршы көрәште, суд эштәре, хеҙмәт, социаль, торлаҡ хоҡуҡтарын яҡлау кеүек өлкәләрҙә законлылыҡтың үтәлешен күҙәтеүҙе республика прокуратураһы алдында торған бурыстар иҫәбенә индерҙе. Уның әйтеүенсә, эшҡыуарлыҡҡа административ баҫымды кәметеү йәһәтенән дә эште дауам итеү шарт.
– Прокуратура органдары һөҙөмтәле эшләмәһә, бөтә өлкәләрҙә юғары баш­ҡарыу тәртибе тәьмин ителмәһә, хоҡуҡ нормалары тайпылышһыҙ үтәл­мәһә, мөһим дәүләт программаларын, күләм­ле бурыстарҙы тормошҡа ашырыуҙағы уңыштар ҙа мөмкин түгел. Киләсәктә лә һеҙҙең ярҙамға, законһыҙлыҡ, граждандарҙың хоҡуҡта­рын боҙоу күренештәренә ҡаршы тороу һәләтенә иҫәп тотам, – тине Рөстәм Хәмитов. – Хеҙмәтегеҙ бик яуаплы һәм әһәмиәт­ле. Прокуратураға таянып власть уңышҡа өлгәшә, алға бара ала. Һеҙ һәр ерҙә законлылыҡты, хоҡуҡ тәртибен тәьмин итәһегеҙ. Беҙ быны, әлбиттә, баһалайбыҙ, аңлайбыҙ һәм артабан да бергә эш итәсәкбеҙ.
Республика Башлығы шулай уҡ дәүләт наградаһын тапшырҙы. 1989 –1995 йылдарҙа республика прокурату­раһында етәкселек иткән икенсе класлы дәүләт юстиция советнигы Владимир Кадонцев “Башҡортостан Республика­һының атҡаҙанған юрисы” тигән маҡтаулы исемгә лайыҡ булды.