31 декабрҙә һәм 6 ғинуарҙа почта бүлексәләренең эш ваҡыты бер сәғәткә ҡыҫҡара.

Киләһе йылдың 1, 2 һәм 7 ғинуарында бөтә республика буйынса почта элемтәһе хеҙмәткәрҙәре ял итә. Был көндәрҙә ваҡытлы матбуғат баҫмалары, хат-хәбәр таратылмай. 3, 4, 5, 8 ғинуарҙа иһә бүлексәләр ғәҙәти тәртиптә эшләй башлай. Ҡайһы бер ауыл почта бүлексәләре өсөн махсус эш ваҡыты билдәләнеүе ихтимал. Байрам көндәрендә пенсиялар һәм пособиелар Пенсия фондының республика бүлексәһе менән килешеүгә ярашлы таратыла.
Рәсәй почтаһының мобиль ҡушымтаһынан фай­ҙаланыусылар бүлексәләрҙең эш ваҡытын, яҡын­да­ғы асыҡ бүлексәне уның ярҙамында асыҡлай ала.