Дәүләт Йыйылышы – Ҡоролтай депутаттары, “Берҙәм Рәсәй” партияһы ағзалары 27 ноябрҙән
3 декабргә тиклем үткәрелгән граждандарҙы ҡабул итеү аҙналығында ҡатнаша.

Сара республиканың бөтә район, ҡала­ла­рында ойошторола. Шулай уҡ тематик ҡабул итеүҙәр, холоҡ төҙәтеү колонияларына, медицина учреждениеларына барыу күҙал­лана. Дәүләт Йыйылышы – Ҡоролтай Рәйесе, “Берҙәм Рәсәй”ҙең төбәк бүлексәһе секретары Константин Толкачев 1 декабрҙә иртәнге сәғәт 10-дан видеоконференция тәртибендә ҡала һәм район халҡы һорау­ҙарына яуап бирә.

Константин ТОЛКАЧЕВ, Ҡорол­тай Рә­йе­­се, партияның төбәк бү­лексәһе секретары:
– Партияға нигеҙ һалынған көндә граждан­дарҙы ҡабул итеү яҡшы йолаға әүерелде. Һайлаусылар менән осрашыу эш йүнәлеш­тәрен билдәләү мөмкинлеген бирә. Ғә­мәл­дәге ҡабул итеү бүлмәләре етешмә­йәсәк, сөнки аҙналыҡта бик күп активистар ҡатнашасаҡ. Шуға күрә һайлаусыларыбыҙҙы ҡабул итеүҙең бүтән майҙансыҡтарын да ойош­торорға кәрәк.
Граждандар Дәүләт Думаһынан алып муниципаль кимәлгә тиклем бөтә депутаттарға, дәүләт власы органдары, министрлыҡтар һәм ведомстволар вәкилдәренә һорау бирә ала. Былтыр ошондай сара барышында ил буйынса 300 меңдән ашыу мөрәжәғәт бул­ғайны.