Республика Хөкүмәтендә власть органдары һәм ойошмалар етәкселәре Интернет селтәрендә намыҫлы практикалар кодексына ҡул ҡуйҙы. Был турала төбәк Хөкүмәтенең матбуғат хеҙмәтенән хәбәр иттеләр.


Заманса мәғлүмәт-телекоммуникация технологиялары кеше хоҡуҡтарына һәм азатлыҡтарына, йәмғиәттең һәм дәүләттең имен­легенә хәүеф килтереүе ихтимал. Шәхси мәғлүмәттәр йыш ҡына реклама кампаниялары үткәреү өсөн файҙаланыла, яуыз ниәттә ҡулланыла. Шуға күрә бындай мәғлүмәтте һаҡлау дәүләттең төп бурыстарының береһенә әүерел­де. Былтыр ноябрҙә VII “Шәхси мәғлүмәттәрҙе һаҡлау” халыҡ-ара конференцияһында “Роскомнадзор” бизнестың, дәүләттең һәм йәмғиәттең үҙ-ара бәйләнеше өсөн “Һанлы йорт” платформаһы менән таныштырғайны. “Һанлы йорт”то һалыуға ошо мөхиттә файҙала­ныу­сының хәүефһеҙлеген тәьмин итеү йәһәтенән проекттарын тормошҡа ашырған компаниялар, йәмәғәт һәм дәүләт ойошмалары саҡырылғайны. “Һанлы йорт” проектына ярашлы, унда ҡатна­шыусылар Интернет селтәрендә намыҫлы практикалар кодексына ҡул ҡуйҙы. Кодекстың маҡсаты — Интернет селтәрендә ғәмәлдәр ҡылыу йәһәтенән граждандарҙың, эшҡыуарлыҡтың һәм дәүләттең мәнфәғәттәр тиҙлегенә өлгәшеү.

Л. ДӘҮЛИЕВА.